మగబిడ్డకు జన్మనిచ్చిన నటుడు తిరువీర్ దంపతులు
cinema | Suryaa Desk | Published : Fri, Dec 12, 2025, 01:57 PM
టాలీవుడ్ యువ నటుడు తిరువీర్ తండ్రి అయ్యారు. ఆయన భార్య కల్పన ఈ ఉదయం పండంటి మగబిడ్డకు జన్మనిచ్చారు. ఈ సంతోషకరమైన విషయాన్ని తిరువీర్ స్వయంగా సోషల్ మీడియా ద్వారా అభిమానులతో పంచుకున్నారు. తన కొడుకు చేతిని పట్టుకున్న ఫొటోను షేర్ చేస్తూ, దానికి "నాయినొచ్చిండు" అనే క్యాప్షన్ జోడించారు. ఈ పోస్ట్ ప్రస్తుతం సోషల్ మీడియాలో వైరల్ అవుతోంది.గత సంవత్సరమే కల్పనను తిరువీర్ వివాహం చేసుకున్నారు. ఈ విషయం తెలుసుకున్న నెటిజన్లు, సినీ ప్రముఖులు ఆయనకు శుభాకాంక్షలు తెలుపుతూ కామెంట్లు పెడుతున్నారు.విలక్షణమైన నటనతో గుర్తింపు పొందిన తిరువీర్.. ‘మసూద’ చిత్రంతో హీరోగా మంచి పాపులారిటీ సంపాదించుకున్నారు. అంతకుముందు ఘాజీ, మల్లేశం, జార్జ్ రెడ్డి, పలాస వంటి చిత్రాల్లో ముఖ్య పాత్రలు పోషించారు. ప్రస్తుతం ఆయన స్టార్ హీరోయిన్ ఐశ్వర్య రాజేశ్ తో కలిసి ‘ఓ సుకుమారి’ అనే పాన్ ఇండియా చిత్రంలో నటిస్తున్నారు.
|
|