రవితేజ మళ్ళీ బలుపు చూపిస్తాడా?

రవితేజ ఈ మధ్య అస్సలు ఫామ్‌లో లేడు. ఎదో రాజా ది గ్రేట్‌తో హిట్ అందుకున్నాడు, కానీ మళ్ళీ ఈ మధ్య మాత్రం పరాజయాల పరంపర కొనసాగిస్తున్నాడు. ఒక్క హిట్ తరువాత హ్యాట్రిక్ ఫ్లాప్స్ అందుకున్న రవితేజ ప్రస్తుతం డిస్కోరాజా సినిమా చేస్తున్నాడు. ముందు బడ్జెట్ సమస్యలతో లేట్‌గా స్టార్ట్ అయిన ఆ సినిమా ఇప్పుడు మాత్రం ఫుల్ స్వింగ్‌లో షూటింగ్ జరుపుకుటుంది. అయితే ఆ సినిమా తరువాత మహాసముద్రం చేద్దాం అనుకున్న రవితేజ ఇప్పుడు ఆ సినిమా క్యాన్సిల్ కావడంతో మరొక సినిమాకి గ్రీన్ సిగ్నల్ ఇచ్చినట్టు టాక్. గతంలో రవితేజకి డాన్ శ్రీను అనే మాస్ హిట్ ఇచ్చి డైరెక్టర్‌గా తన కెరీర్ స్టార్ట్ చేసిన గోపిచంద్ మలినేని ఆ తరువాత కూడా మళ్ళీ బలుపు అనే సినిమా కూడా చేసాడు. ఆ సినిమా కూడా హిట్‌గా నిలిచింది. ఆ తరువాత భారీ బడ్జెట్‌తో సాయి ధరమ్ తేజ్ హీరోగా నటించిన విన్నర్ ప్లాప్ అవ్వడంతో గోపీచంద్ మలినేని కూడా అవకాశాలు రాలేదు.దాంతో కాస్త గ్యాప్ ఇచ్చి ఈ గ్యాప్ లో మళ్ళీ తనకు రెండు హిట్స్ ఇచ్చిన రవితేజ కోసం కథ రెడీ చేసుకుని రవితేజతో ఓకే అనిపించుకున్నాడు. అయితే గతంలో బలుపు సినిమాలో హీరోయిన్‌గా నటించిన శృతి హాసన్ కూడా తన వ్యక్తిగత కారణాలతో గత కొంతకాలంగా సినిమాలకు దూరం అయ్యింది. కానీ ఆమె కూడా మళ్ళీ ఇప్పుడు మళ్ళీ రీ ఎంట్రీ ఇవ్వాలని చూస్తుంది. దీంతో ఆమెని ఈ సినిమాలో హీరోయిన్ గా తీసుకున్నారట. ఇదేదో గాసిప్ కాదు. గతకొంతకాలంగా ఈ మాట వినిపిస్తున్నా కూడా ఇప్పుడు ఫైనల్ అయ్యింది.అంతేకాదు ఇక నుండి ఆమె తెలుగు సినిమాలకే ప్రిఫరెన్స్ ఇవ్వాలి అనుకుంటుందట. అంటే రవితేజ హీరోగా, శృతి హాసన్ హీరోయున్‌గా గోపీచంద్ మలినేని డైరెక్షన్‌లో సినిమా ఫైనల్ అయ్యింది. బలుపు కాంబో మళ్ళీ ఫిక్స్ అయ్యింది. కాకపోతే ఆ టైమ్‌లో అంతా ఫామ్‌లో ఉన్నారు. ఇప్పుడు మాత్రం డిస్కోరాజా హిట్ అయితే రవితేజ ఈ కాంబో‌కి బజ్ తెచ్చే ఫ్యాక్టర్ అవుతాడు. అదేమయినా తేడా కొడితే అప్పుడు పరిస్థితి ఇంకా దారుణంగా ఉంటుంది. ఈ సినిమాకి బుర్ర సాయిమాధవ్ రైటర్‌గా పనిచేస్తున్నాడు. అందుకే ఈ సినిమా స్టోరీ కాస్త సెన్సిబుల్‌గా ఉంటుంది అని టాక్ వినిపిస్తుంది.రవితేజ అండతో టాప్ మ్యూజిక్ డైరెక్టర్ గా ఎదిగిన థమన్ ఈ సినిమాకి మ్యూజిక్ అందించే అవకాశాలున్నాయి అని టాక్. గతంలో కూడా ఫామ్‌లో లేని శ్రీను వైట్లని నమ్మి అమర్ అక్బర్ ఆంటోనీ సినిమా చేసి డిజాస్టర్ అందుకున్న రవితేజకి మరి గోపీచంద్ ఎలాంటి రిజల్ట్ ఇస్తాడో చూడాలి.