మొట్టమొదటి లిరికల్ సాంగ్ గా బన్నీసామజవరగమన రికార్డు
cinema | Suryaa Desk | Published : Mon, Sep 30, 2019, 05:40 AM
దర్శకుడు త్రివిక్రమ్ కాంబినేషన్ లో స్టైలిష్ స్టార్ అల్లు అర్జున్ హీరోగా నటిస్తున్న తాజా చిత్రం “అల వైకుంఠపురములో” . ఇప్పటికే రెండు చిత్రాల్లో నటించిన బన్నీ ముచ్చటగా మూడో చిత్రంలో నటిస్తున్నారు. దీనితో ఈ చిత్రంపై కూడా మంచి అంచనాలు ఏర్పడ్డాయి.అయితే ఎస్ ఎస్ థమన్ సంగీతం అందించిన ఈ చిత్రం తాలూకా ఫస్ట్ సింగిల్ “సామజవరగమన” లిరికల్ సాంగ్ విడుదల అయ్యింది. ఈ పాటను విడుదల చేసి ఇంకా ఇరవై నాలుగు గంటలు పూర్త కాకముందే ముఫై లక్షల వ్యూస్ రావడం ఆశ్చర్యకరం అయితే కేవలం ఎనభైతొమ్మిది నిమిషాల్లోనే లక్ష లైక్స్ సంపాదించి మరో సరికొత్త రికార్డును నెలకొల్పింది.అతి తక్కువ సమయంలోనే లక్షా యాభై వేలు,రెండు లక్షలు,రెండు లక్షల యాభై వేలు లైక్స్ ను సంపాదించుకున్న మొట్టమొదటి లిరికల్ సాంగ్ గా రికార్డు మీద రికార్డు నెలకొల్పింది.మొత్తానికి సంగీత ప్రియులకు ఈ పాట అమితంగా నచ్చిందని చెప్పాలి.
|
|