నయనతారపై ఫైర్ అవుతున్న మెగా ఫ్యాన్స్ ... !

సైరా సినిమాలో నయనతార ఉయ్యాలవాడ భార్య సిద్ధమ్మ పాత్రలో నటించింది నయనతార. నిజంగానే మెగా ఫ్యాన్స్ ఇప్పుడు నయనతారపై మండిపడుతున్నారు. ఆమె తీరు చూసి అసహనం వ్యక్తం చేస్తున్నారు. ఓ దర్శకుడు రెండేళ్ల పాటు కష్టపడి చేసిన సినిమా.. ఓ నిర్మాత 250 కోట్లకు పైగా ఖర్చు పెట్టి చేసిన సినిమా.. ఓ హీరో డ్రీమ్ ప్రాజెక్ట్.. ఇంత భారీ సినిమాగా వస్తుంది సైరా నరసింహా రెడ్డి. ఇలాంటి సినిమాలో నటించడానికి అంతా ఆసక్తి చూపిస్తుంటారు. కానీ అలాంటి అరుదైన అవకాశం నయనతారకు వచ్చింది. ఈ సినిమా కోసం ఏకంగా 7 కోట్ల వరకు పారితోషికం తీసుకుందనే ప్రచారం కూడా జరుగుతుంది. ఇదిలా ఉంటే సైరా ప్రమోషన్‌కు నయనతార రాకపోవడంతో సర్వత్రా విమర్శలు వస్తున్నాయి. ఎంత స్టార్ హీరోయిన్ అయినా కూడా కనీసం ఒక్కసారి కూడా ప్రమోషన్‌కు రాకుండా ఉండటం మాత్రం భావ్యం కాదంటున్నారు అభిమానులు. ఈ విషయంపై రామ్ చరణ్‌తో పాటు చిరంజీవి అడిగినా కూడా నయనతార నో చెప్పడంతో అసహనం పెరిగిపోతుంది. దాంతో చిరు కూడా నయన్ తీరుపై కాస్త కోపంగా ఉన్నాడని తెలుస్తుంది. ప్రమోషన్ ఈవెంట్స్‌లో కూడా ఎక్కడా నయనతార పేరు కూడా తీయడం లేదు చిరు. తమన్నా చాలా బాగా నటించింది.. చిన్న పాత్ర అయినా సరే అద్భుతంగా చేసింది. ప్రమోషన్స్‌కు రావాల్సిన అవసరం లేకపోయినా కూడా తమన్నా అన్నిచోట్లకు వస్తుందంటూ ఆమెపై ప్రశంసల వర్షం కురిపించాడు మెగాస్టార్. ఎక్కడా నయనతార పేరు మాత్రం తీయడం లేదు ఈయన. రామ్ చరణ్ కూడా అంతే.. ఎంతసేపూ తమన్నానే పొగుడుతున్నారు కానీ నయన్ వైపు పట్టించుకోవడం లేదు. ఇంత భారీ సినిమా చేసినపుడు కనీసం ఒక్క ఇంటర్వ్యూ అయినా ఇవ్వడం కనీస ధర్మం. కానీ నయనతార అస్సలు పట్టించుకోకపోవడం నిజంగానూ విడ్డూరం. అక్టోబర్ 2న విడుదల కానుంది సైరా నరసింహా రెడ్డి.