అల్లు ఫ్యామిలీతో విజయ్, రష్మిక ప్రత్యేక క్షణాలు – పిక్స్ ట్రెండింగ్

అల్లు ఇంట పెళ్లి సందడి జోరుగా సాగుతోంది. ఇప్పటికే ప్రీ-వెడ్డింగ్ వేడుకలను ఘనంగా నిర్వహించగా, మెగా ఫ్యామిలీతో పాటు అల్లు కుటుంబ సభ్యులు కలిసి Allu Sirish వివాహ వేడుకల్లో ఆనందంగా పాల్గొంటున్నారు.ఇటీవల శిరీష్ పెళ్లికొడుకు వేడుకకు కొత్త జంటగా నిలిచిన Rashmika Mandanna, Vijay Deverakonda హాజరయ్యారు. వీరి రాకతో కార్యక్రమం మరింత సందడిగా మారగా, ఆ వేడుకకు సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.విజయ్, రష్మిక గత కొన్నేళ్లుగా ప్రేమలో ఉన్నారని ప్రచారం సాగింది. Geetha Govindam చిత్రంతో మంచి జంటగా గుర్తింపు పొందిన వీరు, Dear Comrade సమయంలో మరింత దగ్గరయ్యారనే వార్తలు వినిపించాయి. అయితే తమ వ్యక్తిగత జీవితంపై వీరు ఎప్పుడూ బహిరంగంగా స్పందించలేదు.ఫిబ్రవరి 26న ఈ జంట వివాహ బంధంలోకి అడుగుపెట్టింది. వెడ్డింగ్ కార్డ్‌ను విడుదల చేస్తూ అభిమానులకు సర్‌ప్రైజ్ ఇచ్చారు. ఉదయ్‌పూర్‌లో పరిమిత ఆహ్వానితుల సమక్షంలో రెండు సంప్రదాయాల ప్రకారం వివాహాన్ని ఘనంగా నిర్వహించారు.వివాహం అనంతరం హైదరాబాద్‌కు చేరుకున్న వీరు మార్చి 4న రిసెప్షన్ ఏర్పాటు చేయనున్నారు. ఇందుకోసం పలువురు ప్రముఖులను స్వయంగా కలిసి ఆహ్వానిస్తున్నట్లు తెలుస్తోంది. పెళ్లి తర్వాత ఈ జంట ఎక్కడ కనిపించినా వారి ఫొటోలు నెట్టింట చక్కర్లు కొడుతున్నాయి.ఇదిలా ఉండగా, మార్చి 6న జరగనున్న శిరీష్ వివాహానికి ముందు నిర్వహించిన పెళ్లికొడుకు వేడుకలో కూడా ఈ నవజంట పాల్గొంది. కార్యక్రమంలో Allu Aravind, Allu Arjun విజయ్, రష్మికలను ఆప్యాయంగా అభినందించారు. వారితో కలిసి కొంతసేపు సంతోషంగా గడిపిన ఈ జంట ఫొటోలు ప్రస్తుతం సోషల్ మీడియాలో ట్రెండింగ్‌లో ఉన్నాయి.