నాగబాబు పుట్టినరోజు వేడుకకు హాజరైన మెగా ఫ్యామిలీ
cinema | Suryaa Desk | Published : Wed, Oct 30, 2019, 12:31 PM
నాగబాబు.. నటుడిగా, నిర్మాతగా.. అంతకుమించి మెగాస్టార్ చిరంజీవి తమ్ముడిగా.. పవన్ కళ్యాణ్ అన్నగా, ‘జబర్దస్త్’ కామెడీషో జడ్జిగా ఎంతోమందికి చేరువయ్యారు. ఈ మంగళవారం రోజున నాగబాబు జన్మదిన వేడుకలు ఘనంగా జరిగాయి. ఈ సందర్భంగా ఏర్పాటు చేసిన పార్టీలో చిరంజీవి, ఆయన భార్య సురేఖ,రామ్ చరణ్, ఉపాసనలతో పాటు చిరంజీవి కూతుళ్లు అల్లుల్లైన సుస్మిత,శ్రీజ, కళ్యాణ్ దేవ్, అల్లు అర్జున్ దంపతులు హాజరై నాగబాబు పుట్టినరోజు శుభాకాంక్షలు తెలిపారు. ఈ సందర్భంగా వీరు దిగిన ఫోటో సోషల్ మీడియాలో వైరల్ అవుతోంది. ఈ ఫోటోలో పవన్ కళ్యాణ్ ఫ్యామిలీ తప్పించి మిగిలిన వారంత హాజరయ్యారు. నాగబాబు గత ఎన్నికల్లో తమ్ముడు పవన్ కళ్యాణ్ స్థాపించిన జనసేన తరుపున నర్సాపురం ఎంపీగా పోటీ చేసి ఓడిపోయారు. ఎన్నికల్లో ఓటమి పాలైనా.. అక్కడ ప్రజలతో మమేకమయ్యే పనిలో పడ్డారు. ప్రస్తుతం నాగబాబు పలు వెబ్ సిరీస్లో యాక్ట్ చేయడానికి గ్రీన్ సిగ్నల్ ఇచ్చినట్టు సమాచారం.
|
|