ఘనంగా "90 ఎంఎల్" ప్రీ రిలీజ్ వేడుక!

Rx100 సినిమాతో తనకంటూ ఓ ప్రత్యేక గుర్తింపు తెచ్చుకున్నాడు హీరో కార్తికేయ. ఈ సినిమాతో యూత్ ఫాలోయింగ్ పెంచుకున్న ఈ హీరో.. ఇప్పుడు సరికొత్త కిక్ ఇవ్వడానికి 90ఎంఎల్ మరో డిఫరెంట్ సినిమాతో ప్రేక్షకుల ముందుకు రాబోతున్నాడు. కొత్త దర్శకుడు శేఖర్ రెడ్డి యర్ర దర్శకత్వంలో తెరకెక్కుతున్న ఈ సినిమాను కార్తికేయ క్రియేటివ్ వర్క్స్ బ్యానర్‌పై అశోక్ రెడ్డి గుమ్మకొండ నిర్మించారు. నేహా సోలంకి హిరోయిన్ గా నటించింది. లవ్ అండ్ యూత్ ఫుల్ ఎంటర్టైనర్‌గా రూపొందిన ఈ చిత్రం డిసెంబర్ 5న గ్రాండ్ గా విడుదల కానుంది. ఈ సందర్బంగా శనివారం చిత్ర‌ యూనిట్ గ్రాండ్‌గా ప్రీ రిలీజ్ వేడుక నిర్వహించింది. ఈ వేడుకలో డైరెక్టర్ అజయ్ భూపతి సినిమా బిగ్ సీడీని లాంచ్ చేశారు.సినీ ప్రముఖులు సందీప్ కిషన్, జానీ మాస్టర్, రోల్ రిడా, తాగుబోతు రమేష్, విఠల్ రెడ్డి, రజిని, వంటి ప్రముఖులు పాల్గొన్నారు. సందడి సందడిగా సాగిన ఈ వేడుకలో డాన్సులు, కార్తికేయ ముచ్చట్లు ఆకట్టుకున్నాయి. ఈ సందర్బంగా అజయ్ భూపతి మాట్లాడుతూ.. కార్తికేయ క్రియేటివ్ వర్క్స్ నా కోసమే పుట్టింది. RX100 మూవీతో మంచి హిట్ అందుకున్నాము. ఇప్పుడు 90ఎంఎల్ కూడా మరో సక్సెస్ సాధించి ప్రొడ్యూసర్‌కి మంచి లాభాలు అందించాలని కోరుకుంటున్నా. Rx100 ట్రైలర్ రిలీజ్ కాగానే ఈ సినిమా డైరెక్టర్ శేఖర్ ఫోన్ చేసి 90ఎంఎల్ కథ అతనికి కరెక్ట్‌గా సెట్ అవుతుందని చెప్పి ఫస్టాఫ్ చెప్పారు. మా సినిమా రిలీజ్ అయ్యి హిట్ అయిన తర్వాత మళ్ళీ కార్తికేయ గుర్తుపెట్టుకొని ఈ కథ సెకండాఫ్ విని ఒకే చేశాడు. ఈ నెల 5న అందరు థియేటర్‌కి వెళ్లి సినిమా చూడండి. చిత్ర యూనిట్ అందరికి ఆల్ ది బెస్ట్. కార్తికేయతో మరో సినిమా తప్పకుండా చేస్తా'' అన్నారు. సందీప్ కిషన్ మాట్లాడుతూ.. ''నిన్న ఒకరోజు మొత్తం నాలో చాలా కోపం వచ్చింది. ప్రియాంక రెడ్డి ఘటన నన్ను చాలా కలచివేసింది. ముందుగా ఆమె కోసం పోలీస్ స్టేషన్ ముందుకు వెళ్లి నిరసనలు తెలిపిన జనాలను ప్రశంసించి తీరాలి. ఇక సినిమా విషయానికి వస్తే.. నాకు ఒక మంచి తమ్ముడు లాంటి వ్యక్తి కార్తికేయ. పర్సనల్ లైఫ్‌లో ఎన్నో విషయాల్లో నన్ను ఆకర్షించారు. చాలా కష్టపడే వ్యక్తి. అతనికి ఈ సినిమా మాంచి గుర్తింపు తేవాలని కోరుకుంటున్నా'' అన్నాడు. హీరోయిన్ నేహా సోలంకీ మాట్లాడుతూ.. ''అందరికీ నమస్కారం. ముందుగా డైరెక్టర్ శేఖర్ రెడ్డిగారికి ప్రత్యేక కృతజ్ఞతలు చెప్పాలి. 90ML లాంటి మంచి కథను రాసి అందులో నన్ను హీరోయిన్ పాత్రకు సెలెక్ట్ చేసుకోవడం చాలా హ్యాపీగా ఉంది. నిర్మాత అశోక్ రెడ్డి గారు కూడా నాకు చాలా సపోర్ట్ చేశారు. హీరో కార్తికేయ ప్రతి సీన్‌లో సపోర్ట్ చేసినందుకు స్పెషల్‌గా థ్యాంక్స్ చెబుతున్నా. మరోసారి అతనితో వర్క్ చేయాలని ఉంది'' అన్నారు.