అనుష్క 'భాగమతి' ట్రైలర్
cinema | Suryaa Desk | Published : Wed, Dec 20, 2017, 12:58 PM
అదో పాడు బడిన మహల్. చాలా రోజుల నుండి ఎవ్వరూ అక్కడికి వెళ్ళలేదనుకుంట.. అందుకే అందులో పూర్తి బూజు పట్టేసిన వస్తువులు.. చీకటితో అలిమేశాయి. అయితే అక్కడికి వెళ్ళింది మన హీరోయిన్. అంతవరకు బాగానే ఉంది కాని.. అక్కడికి వెళ్ళాక ఏమైందో తెలుసా? అనుష్క హీరోయిన్ గా మెయిన్ లీడ్ లో చేస్తున్న సినిమా 'భాగమతి'. పిల్ల జమిందార్ ఫేం అశోక్ తీస్తున్న ఈ సినిమాలో అనుష్క ఒక ఒళ్లు గగుర్పొడిచే రోల్ చేస్తోంది.
పైన చెప్పిన కథ విన్నారుగా.. అలా ఆ మహల్ లోకి నడిచి వెళ్ళిన అనుష్క.. విచిత్రంగా.. తన ఎడం చేతిలో ఒక మేకును దించుకుంటోంది. తన కుడి చేత్తో ఒక భారీ సుత్తిని పట్టుకుని.. తనే రక్తపాతం సృష్టించుకుంటూ తనకు తానే సిలువ వేసుకోవడం.. ఓ మై గాడ్.. చాలా ఒళ్లగగుర్పొడిచే రీతిలోనే ఉన్నాయి. అయితే అనుష్కకు ఏమైంది.. అసలు భాగమతి అంటే ఆమేనా.. ఇంతకీ ఆ కథ ఏంటి.. అనేదే ఇక్కడ తేలాల్సిన అంశం. తెలియాల్సిన అంశం. ఇక టీజర్లో మాత్రం లుక్ అండ్ ఫీల్ విషయంలో యువి క్రియేషన్స్ వారి పెట్టుబడి కనిపిస్తుంటే.. సౌండ్ విషయంలో థమన్ మరోసారి చితక్కొట్టేశాడు. బ్యాగ్రౌండ్ స్కోర్ అదిరిపోయింది. మొత్తానికి సంక్రాంతి బరిలో ఈ సినిమా ఉందో లేదో తెలియదు కాని.. ఇప్పుడు టీజర్ తో మాత్రం అంచనాలను భారీగానే పెంచేశారు.
|
|