సంచలన ట్వీట్ చేసిన నాగబాబు..!

ఏపీలో ప్రస్తుతం మతమార్పిడి ఇష్యూస్‌పై చర్చలు బాగానే జరుగుతున్నాయి. జగన్‌ను టార్గెట్ చేసుకుని అటు చంద్రబాబు.. ఇటు పవన్ కల్యాణ్ లాంటి వాళ్లు సంచలన కామెంట్స్ చేస్తూనే ఉన్నారు. తిరుమల ప్రసాదం ఎందుకు తినడంటూ జగన్‌పై పవన్ చేసిన కామెంట్స్ ఎలాంటి సంచలనం సృష్టించాయో చెప్పనక్కర్లేదు. ఇక చంద్రబాబు కూడా తిరుమలకు వచ్చినపుడు ఎందుకు సంతకం పెట్టడంటూ విరుచుకుపడ్డాడు. ఇప్పుడు నాగబాబు కూడా మరో చర్చకు తెరలేపాడు. జబర్దస్త్ నుంచి బయటికి వచ్చిన తర్వాత యూ ట్యూబ్ ఛానెల్‌లో సంచలన కామెంట్స్ చేసిన నాగబాబు ఇప్పుడు ట్విట్టర్‌లో రెచ్చిపోయాడు. హిందూ మతంతో పాటు మరిన్ని మతాలపై కూడా కొన్ని సంచలన కామెంట్స్ చేశాడు. ఈ వ్యాఖ్యలు ఇప్పుడు లేనిపోని దుమారాన్ని రేపుతున్నాయి. తాను నాస్తికున్ని అంటూనే హిందువును అంటూ మరో కామెంట్ చేశాడు. నాగబాబు చేసిన పోస్ట్ విచిత్రంగా అనిపించినా కూడా అర్థం కాకుండా కూడా ఉంది. గజిబిజిగా ఫజిల్ మాదిరే ఈ పోస్ట్ పెట్టాడు నాగబాబు. నిజానికి నేనొక నాస్తికుడిని.. కానీ నేను హిందుమతాన్ని విపరీతంగా గౌరవిస్తాను.. కారణం హిందుమతంలో నాస్తికుల అభిప్రాయాలకి కూడా చాలా గౌరవం ఉంది.. అందుకే చార్వాకం. నిరీశ్వరవాదం కూడా ప్రసిద్ధి చెందాయి. వేరే మతాలలో అయితే చావే తలరాత అయ్యుండేది.. కేవలం హిందువులు ఇతర మతస్థుల నమ్మకాల్ని ఆచారాల్ని గౌరవించటం మాత్రమే పరమత సహనం అనిపించుకోదు.. ఇతర మతస్థులు కూడా హిందు మతస్థుల నమ్మకాల్ని ఆచారాల్ని గౌరవించినప్పుడే నిజమైన పరమత సహనం అనిపించుకుంటుంది అంటూ నాగబాబు చేసిన ట్వీట్ ఇప్పుడు చర్చకు దారితీసింది. పవన్ కల్యాణ్‌ను సపోర్ట్ చేయడానికి నాగబాబు చేసిన కామెంట్స్‌పై జగన్ అభిమానులు ఫైర్ అవుతున్నారు. నాగబాబు చేసిన ఈ ట్వీట్ ఇప్పుడు చాలా మంది మనోభావాలను దెబ్బతీస్తోంది.