చిరు, మహేష్ సహకారం మరిచిపోలేం – విక్టరీ వెంకటేష్
cinema | Suryaa Desk | Published : Wed, Dec 18, 2019, 07:42 PM
చిత్ర పరిశ్రమలో ఒకరి సినిమాలను మరొకరు ప్రోత్సహించుకునే సానుకూల దృక్పథం ఉందని అన్నారు విక్టరీ వెంకటేష్. తాను ఈ విషయంలో ఎప్పుడూ ముందుంటానని తెలిపారు. వెంకీమామ చిత్రానికి చిరంజీవి, మహేష్ బాబు, ఎంతోమంది దర్శకులు సహకారం అందించడం మర్చిపోలేనన్నారు. మేనల్లుడు నాగచైతన్యతో కలిసి వెంకటేష్ నటించిన వెంకీమామ ఇటీవలే ప్రేక్షకుల ముందుకొచ్చింది. అన్ని కేంద్రాల్లో మంచి ఆదరణ పొందుతోంది. ఈ నేఫథ్యంలో చిత్ర బృందం విజయోత్సవాన్ని నిర్వహించింది. ఈ కార్యక్రమంలో వెంకటేష్ మాట్లాడుతూ… సురేష్ ప్రొడక్షన్స్, పీపుల్స్ మీడియా ఫ్యాక్టరీ సంస్థలు పడిన కష్టమే ఇవాళ ఈ సినిమా ఫలితం. ప్రతి చోటా మంచి వసూళ్లు దక్కుతున్నాయి. సినిమా బాగుందం టున్నారు. తమ సంతోషాన్ని మా చిత్ర బృందంమంతా మీకు చెప్పేసింది. వెంకీమామ గురించి తమ స్పందన చెప్పిన మహేష్, చిరంజీవి గారికి కృతజ్ఞతలు. ఇలాంటి సానుకూల వాతావరణం పరిశ్రమలో ఉండాలి. అన్నారు. నాగచైతన్య మాట్లాడుతూ… ఇద్దరు మామలు కలిసి నా కెరీర్లో పెద్ద విజయాన్ని అందించారు. దర్శకుడు బాబీ నాకు కొత్త దారిని చూపించాడు. వెంకీమామ వింటేజ్ హిట్ కాదు, ఆయన ఎవర్ గ్రీన్ హీరో. చిత్ర బృందంలో ప్రతి ఒక్కరూ విజయం కోసం శ్రమించారు. వాళ్లందరికీ ఇవాళ మంచి ఫలితం దక్కింది. అన్నారు. ఈ కార్యక్రమంలో రాశీఖన్నా, పాయల్ రాజ్పుత్, దర్శకులు చందూ మొండేటి, నందినీరెడ్డి, వంశీ పైడిపల్లి తదితరులు అతిథులుగా పాల్గొన్నారు.
|
|