శ్రీమంతుడు జంట మరోసారి…
cinema | Suryaa Desk | Published : Thu, Dec 19, 2019, 12:45 PM
ఒకప్పుడు ఐరన్ లెగ్. ఇప్పుడు గోల్డెన్ లెగ్. ఈ క్రేడిట్ పొందిన హీరోయిన్లు దక్షిణాదిలో చాలా మంది ఉన్నారు. ఒకప్పుడు రమ్యకృష్ణ నటిస్తే సినిమా ఫెయిల్యూర్ అవుతుందని అనేవారు. నిజానికి సినిమా సక్సెస్ లేదా ఫెయిల్యూర్లో హీరోయిన్ది నామమాత్రమైన పాత్రే అయినప్పటికీ కామెంట్స్ తప్పలేదు. కొంతకాలం తర్వాత రమ్యకృష్ణ ఉంటే సినిమా హిట్ అనే రేంజ్లో ఆమె ఎదిగింది. పరిశ్రమలో ఇలాంటి కామెంట్స్ సహజమే కాబట్టి వారు స్పోర్టివ్గా తీసుకుంటారు. ఇటీవల కాలంలో శృతిహాసన్ సైతం ఇలాంటి ఇబ్బందిని ఎదుర్కొంది. అనేక ప్రతిష్టాత్మక చిత్రాల్లో నటించినా, ఆ సినిమాలు హిట్ కాకపోవడంతో ఇబ్బంది పడింది. చివరికి ఐరన్ లెగ్ అనే అపవాదు పొందాల్సి వచ్చింది. ఆమెపై ఇలాంటి ముద్ర ఉన్నప్పటికీ పవన్ కల్యాణ్ గబ్బర్సింగ్లో అవకాశం దక్కింది. ఆ సినిమా హిట్తో శృతిహాసన్ కెరీర్ వేగంగా మలుపు తిరిగింది. వరుస అవకాశాలు తలుపు తట్టాయి. డేట్స్ సర్దుబాటు చేయలేనంత బిజీ అయింది. రేసుగుర్రం, బలుపు, శ్రీమంతుడు హిట్స్ ఆమె ఖాతాలో చేరాయి. మధ్యలో కెరీర్ను నిర్లక్షం చేసింది. దాంతో సినిమాలు తగ్గాయి. కానీ మళ్లిd దారిలో పడింది. తాజాగా రవితేజతో కలిసి నటిస్తున్న ఈ భామ త్వరలో మహేష్బాబు సినిమా చేయనుందని సమాచారం. శ్రీమంతుడులో వీరిద్దరు కలిసి నటించిన విషయం తెలిసిందే. మరోసారి ఈ కాంబినేషన్ తెరపై చూపేందుకు మహర్షి డైరెక్టర్ వంశీ పైడిపల్లి ప్రయత్నిస్తున్నారట. ఇది నిజమే అయితే శృతిని మరోసారి అదృష్టం తలుపు తట్టినట్టుగానే భావించాలి.
|
|