ప్రేమిస్తూనే ఉన్నారు….
cinema | Suryaa Desk | Published : Fri, Dec 20, 2019, 03:03 PM
ఎందరు స్టార్లు వచ్చినా బాలీవుడ్లో షారుక్ స్థానం పదిలమే. బాలీవుడ్ను రెండున్నర దశాబ్దాలుగా ఏలుతున్న ఈ బాద్షా ఆకర్షణ ఏమాత్రం తగ్గలేదు. ఆయన నటిస్తున్న సినిమాలు వాటిని ఆదరిస్తున్న ప్రేక్షకులు, అభిమానులు అదే ప్రేమను చూపిస్తున్నారు. షారుక్ ఖాన్ బాలీవుడ్ వచ్చి పాతికేళ్లవుతోంది. ఆయనకిప్పుడు యాభై ఏళ్ల వయసు. ఇన్నేళ్లు తరగని స్టార్డమ్తో కెరీర్ కొనసాగిస్తున్న కథానాయకులను వేళ్లమీద లెక్కపెట్టవచ్చు. షారుక్ ఇరవై ఐదేళ్ల నట ప్రస్థానం సందర్భంగా తన మనసులో మాట చెప్పేశారు. షారుక్ ఖాన్ మాట్లాడుతూ….నేనెక్కడికి వెళ్లినా ప్రజలు నా చుట్టూ చేరి మీ చిత్రాలు చూసి అనందిస్తున్నాం అని చెబుతుంటారు. నటుడిగా నాకిది గర్వకారణమే. అయితే నేను వ్యక్తిగతంగా వాళ్ల జీవితాల్లో మార్పు తీసుకురావాలి. చిత్ర పరిశ్రమలో నాయికలకు ప్రాధాన్యత పెరిగింది. ఒకప్పుడు పెళ్లైన నాయికలకు అవకాశాలు వచ్చేవి కావు. ఇప్పుడు ఆ పరిస్థితి లేదు. చాలా మంది నాయికలు వివాహం అనంతరం సినిమాలు చేస్తూ మంచి విజయాలు సాధిస్తున్నారు. తొంభయ్యవ దశకం నుంచి ఇప్పటిదాకా నేనీ మార్పును గమనిస్తున్నాను. ఓ రెండేళ్లు నటుడిగా కొనసాగితే చాలు అనుకుని ఢిల్లిd నుంచి ముంబై వచ్చాను. కానీ సినిమాలు ప్రేక్షకులను ఆకట్టుకున్నాయి. అతి త్వరగా పేరొచ్చింది. రెండేళ్లు అనుకున్నది…చూస్తుండగానే పాతికేళ్లు గడిచిపోయాయి. అన్నారు.
|
|