మదిని దోస్తున్న`మత్తు వదలరా`
cinema | Suryaa Desk | Published : Sat, Dec 28, 2019, 09:58 PM
ఈ మధ్య విడుదలవుతున్న చిన్న చిత్రాలు సినీ అభిమానులను ఎంతగానో ఆకట్టుకుంటున్నాయి. సినిమాలో మీతిమిరిన హింసకు తావులేకుండా చక్కటి స్ర్కీన్ప్లేతో ఆకర్షిస్తున్నాయి. గతవారం విడుదలైన సినిమాలు ఆశించిన ఫలితాలు ఇవ్వలేదు. కాని బుధవారం విడుదలైన `మత్తు వదలరా` సినిమా సినీ అభిమానులను మదిని దోస్తుంది.
సీనియర్ సంగీత దర్శకుడు ఎమ్ఎమ్ కీరవాణి చిన్న కుమారుడు శ్రీ సింహ హీరోగా తెరకెక్కిన చిత్రం `మత్తు వదలరా`. కీరవాణి పెద్ద కుమారుడు కాలభైరవ ఈ చిత్రానికి సంగీతం అందించాడు. వైవిధ్యమైన కథనంతో, థ్రిల్లర్ నేపథ్యంతో దర్శకుడు రితేష్ రానా తెరకెక్కించిన ఈ చిత్రం బుధవారం విడుదలై పాజటివ్ టాక్ సంపాదించుకుంది. ఈసినిమాలో సత్య కామెడీ ఎంతగానో ఆకట్టుకుంటుంది. మిగిలిన పాత్రధారులు కూడా తమ పరిధి మేర నటించారు.
ఈ చిత్రాన్ని చూసిన పలువురు సెలబ్రెటీలు చిత్రయూనిట్పై ప్రశంసలు కురిపించారు. తాజాగా దర్శకేంద్రుడు రాఘవేంద్రరావు `మత్తువదలరా` సినిమాను చూసి సోషల్ మీడియా ద్వారా చిత్రబృందాన్ని అభినందించారు.`మత్తువదలరా` కుటుంబ సమేతంగా చూడదగ్గ సినిమా. సింహా నటన, కాలభైరవ నేపథ్య సంగీతం అద్భుతం. దర్శకుడు రితేష్ రానా మంచి ప్రతిభ కనబరిచాడు. తల్లిదండ్రులుగా కీరవాణి, వల్లీ గర్వించదగ్గ క్షణం. చిత్రబృందానికి అభినందనలు` అని రాఘవేంద్రరావు పోస్ట్ చేశారు.
|
|