రాష్ట్రపతి పదవిలో చిరంజీవి ఉండాలి: అల్లు అరవింద్
cinema | Suryaa Desk | Published : Sat, Dec 28, 2019, 10:13 PM
సినీ కెరీర్నే కాకుండా.. ప్రజలకు సేవ చేద్దామని రాజకీయాల్లోకి వచ్చారు చిరు. అయితే.. కొన్ని కారణాలతో ఆయన ప్రస్తుతం రాజకీయాలకు దూరంగా ఉన్నారు. ఇంతకీ చిరంజీవిని రాష్ట్రపతిగా చూడాలనుకుంటోన్న వ్యక్తి ఎవరా అని ఆలోచిస్తున్నారా? చిరు.. బావమరిది అల్లు అరవింద్. అయితే ఇది రీల్ లైఫ్లో కాదు.. రియల్ లైఫ్లో. ఈ విషయాన్ని ఓ ఇంటర్వ్యూలో వెల్లడించారు అల్లు అరవింద్. ముఖ్యమంత్రి కాదు, ప్రధానమంత్రి కాదు ఏకంగా.. రాష్ట్రపతి పదవిలో చిరంజీవి ఉండాలని ఆయన కోరుకుంటున్నారు.
రాష్ట్రపతిగా మెగాస్టార్ చిరంజీవి అయితే ఎలా ఉంటుంది. దేశ వ్యాప్తంగానే కాదు.. ప్రపంచవ్యాప్తంగా కూడా మంచి క్రేజ్ సంపాదించిన వ్యక్తి మెగాస్టార్ చిరంజీవి. సంకల్పం ఉంటే చాలు ఏదైనా సాధించవచ్చు అని ఎంతోమందికి స్ఫూర్తిగా నిలిచిన వ్యక్తి. చిరంజీవికి టాలీవుడ్లోనే కాదు.. బాలీవుడ్లోనూ మంచి క్రేజ్ వుంది. ఆయన గురించి.. ఆయన నటన గురించి ప్రత్యేకంగా చెప్పనవసరంలేదు. ఆయన నటావిశ్వరూపానికి 2006 జనవరిలో భారత ప్రభుత్వం తరుపున అప్పటి రాష్ట్రపతి శ్రీ అబ్దుల్ కలామ్.. చిరంజీవికి ‘పద్మభూషణ్’ పురస్కారాన్ని, నవంబర్ 2006లో డాక్టరేట్ని ఇచ్చి గౌరవించారు.
|
|