కూతుళ్లిద్దరితో కలిసి ఫోటోకు దిగిన నాగబాబు
cinema | Suryaa Desk | Published : Wed, Dec 27, 2017, 11:42 AM
మెగా ఫ్యామిలీకి.. సినిమాకు విడదీయరాని అనుబంధం. అందుకే మిగిలిన అన్ని ఫ్యామిలీల కన్నా ఎక్కువమంది హీరోలు మెగా ఫ్యామిలీలోనే కనిపిస్తారు. చిరంజీవి జనరేషన్లో కేవలం మగవాళ్లే సినిమా ఇండస్ట్రీతో అసోసియేట్ అవగా... ప్రజంట్ జనరేషన్ వచ్చేసరికి ఆడవాళ్లు సైతం సినిమాతోనే తమ కెరీర్ డెవలప్ చేసుకున్నారు.
మెగా బ్రదర్స్ చిరంజీవి - నాగబాబులిద్దరికీ కూతుళ్లు ఉన్నారు. వీరిలో చిరంజీవి పెద్ద కుమార్తె సుస్మిత.. నాగబాబు కుమార్తె నీహారిక కలిసి ఓ ఫంక్షన్ కు అటెండయ్యారు. ఇదే ఫంక్షన్ కు నాగబాబు సైతం వచ్చి కూతుళ్లిద్దరితో కలిసి ఫోటోకు ఫోజిచ్చాడు. ఈ ఫొటోలో నాగబాబు మొహం చూస్తుంటే తెలుగు పద్యంలో చెప్పినట్టు తండ్రికి పుత్రోత్సాహమే కాదు.. పుత్రికోత్సాహమూ బోలెడు సంతోషాన్ని ఇస్తుందని చెప్పకనే చెప్పినట్టు అనిపిస్తుంది. వీళ్లిద్దరిలో సుస్మిత ఫ్యాషన్ టెక్నాలజీలో డిగ్రీ తీసుకుని తరవాత పెళ్లి చేసుకుని ఇండస్ట్రీకి దూరంగా వెళ్లిపోయింది. మళ్లీ తండ్రి కమ్ బ్యాక్ మూవీ ఖైదీ నెంబర్ 150 సినిమా కోసం తిరిగి వెనక్కి వచ్చి స్టయిలిస్ట్ గా పనిచేసింది. ఇప్పుడు తమ్ముడు రామ్ చరణ్ రంగస్థలం మూవీ కోసం స్టయిలిస్ట్ గా వర్క్ చేస్తోంది.
నాగబాబు కుమార్తె నీహారిక ఇప్పటికే తెలుగులో హీరోయిన్ గా పరిచయం అవగా.. ప్రస్తుతం తమిళంలో విజయ్ సేతుపతి హీరోగా నటించే సినిమాలో హీరోయిన్ గా నటిస్తోంది. ప్రస్తుతం నాగబాబు-నీహారిక కలిసి నాన్నకూచి అనే వెబ్ సిరీస్ లో కలిసి నటిస్తున్నారు.
|
|