తొమ్మిదేళ్లకే లతా మంగేష్కర్ తో కలిసి పాట పాడా
cinema | Suryaa Desk | Published : Sat, Jan 25, 2020, 06:33 PM
గాయని కవితా కృష్ణమూర్తి బాలీవుడ్లో మంచి సింగర్గా పేరు తెచ్చుకున్నారు. తెలుగులో కవితా కృష్ణమూర్తి ‘జగద్గురు ఆది శంకర’, ‘సైనికుడు’, ‘సోగ్గాడు’, ‘స్నేహం కోసం’, ‘ప్రేమికుల రోజు’తో పాటు పలు సినిమాల్లో పాటలు పాడారు. ఈ రోజు కవితా కృష్ణమూర్తి పుట్టినరోజు. ఆమె 1958లో ఢిల్లీలో జన్మించారు. 9 ఏళ్ల వయసులోనే కవితా కృష్ణమూర్తి ప్రముఖ గాయని లతా మంగేష్కర్తో పాట పాడే అవకాశాన్ని దక్కించుకున్నారు. 1980లో ఆమె తన తొలి ప్లేబ్యాక్ సింగింగ్ ప్రారంభించారు. హిందీ సినిమా ‘మిస్టర్ ఇండియా’లోని ‘హవా హవాయి’ పాటతో కవితా కృష్ణమూర్తి గుర్తింపు పొందారు. హీరో మహేష్ బాబు సినిమా ‘అతడు’లో ‘పిలిచినా రానంటావా…’ పాటతో తన శ్రావ్యమైన స్వరంతో ఆకట్టుకున్నారు. 1999 నవంబరు 11న ఆమె డాక్టర్ ఎల్ సుబ్రహ్మణ్యంను వివాహం చేసుకున్నారు. ప్రస్తుతం కవితా కృష్ణమూర్తి దంపతులు బెంగళూరులో ఉంటూ ‘సుబ్రహ్మణ్యం అకాడమీ ఆఫ్ పర్ఫార్మింగ్ ఆర్ట్స్’ పేరుతో సంగీత శిక్షణ సంస్థను నిర్వహిస్తున్నారు.
|
|