ట్రెండింగ్
ప్రయోగాలు చేస్తున్న కుమారి... వర్కవుట్ అవుతుందా ?
cinema | Suryaa Desk | Published : Mon, Jan 27, 2020, 06:56 PM
తెలుగు ప్రేక్షకులకు కుమారి 21ఎఫ్ చిత్రంతో సుపరిచితం అయిన ముద్దుగుమ్మ హెబ్బా పటేల్. ఆ చిత్రం తర్వాత ఈమె హీరోయిన్ గా బిజీ అయ్యింది. కాని అదృష్టం కలిసి రాకపోవడంతో ఈ అమ్మడు వరుసగా ఫ్లాప్స్ చవి చూడటంతో పాటు ఆమె చేసిన పాత్రలకు కుమారి స్థాయిలో దేనికి కూడా గుర్తింపు రాలేదు. కుమారితో వచ్చిన గుర్తింపుతో ఇంకా నెట్టుకు వచ్చే ప్రయత్నాలు చేస్తుంది. అడపా దడపా చిత్రాల్లో నటిస్తూ ప్రస్తుతం ఒక వెబ్ సిరీస్ కూడా రెడీ అయ్యింది.అజయ్ భూయాన్ దర్శకత్వంలో క్రిష్ నిర్మాణంలో రూపొందబోతున్న ఒక వెబ్ సిరీస్ లో హెబ్బా పటేల్ సింగ్ గా నటిస్తోంది. తన పాత్ర కోసం ఈమె మొదటి సారి డబ్బింగ్ చెప్పుకోవడంతో పాటు ఏకంగా పాట కూడా పాడబోతుందట. వెబ్ సిరిస్ లో ఉండే పలు పాటలను ఈమెతో పాడించబోతున్నట్లుగా సమాచారం అందుతోంది. ఇప్పటి వరకు డబ్బింగ్ చెప్పుకునేందుకే చాలా కష్టపడ్డ ఈ అమ్మడు పాట పాడటం అంటే చాలా పెద్ద సాహసమే అని చెప్పాలి.
|
|