పవన్ కళ్యాణ్ - క్రిష్ సినిమాలో ఓ కీ రోల్ చేయనున్న సునీల్...
cinema | Suryaa Desk | Published : Wed, Mar 04, 2020, 05:33 PM
కమెడియన్గా పీక్ స్థాయిలో ఉన్న సమయంలోనే సునీల్..హీరోగా టర్న్ అయ్యాడు. అదృష్టవశాత్తు మొదటి రెండు, మూడు చిత్రాలు అతన్ని మంచి బ్రేకే ఇచ్చాయి కానీ తర్వాత వరస డిజాస్టర్లు సునీల్ కెరీర్ను కృంగదీశాయి. అయితే హీరో గా సునీల్ అనుకున్న స్థాయిలో ఆకట్టుకోలేకపోయాడు. దాంతో తిరిగి కామెడీ చేద్దామన్న వర్కౌట్ అవ్వలేదు. అయితే ప్రస్తుతం సునీల్ విలన్ అవతారం ఎత్తాడు. రవితేజ నటించిన 'డిస్కో రాజా' సినిమాలో విలన్ గా నటించాడు సునీల్. త్వరలో రాబోతున్న 'కలర్ ఫోటో 'సినిమాలో కూడా విలన్ గా నటించనున్నాడు.
పవర్ స్టార్ పవన్ కళ్యాణ్ - క్రిష్ జాగర్లమూడి కాంబోలో తెరకెక్కనున్న సినిమాలో సునీల్ ఓ కీ రోల్ ప్లే చేస్తున్నాడట. పవన్ తో పాటు ఎక్కువసేపుండే పాత్రను సునీల్ కోసం క్రిష్ క్రియేట్ చేశాడట. అయితే ఈ సినిమాలో సునీల్ ఏ రోల్ చేస్తాడా అని అందరిలోనూ ఆసక్తి నెలకొంది . మరి విలన్ కమ్ కమెడియన్ కమ్ సపోర్టింగ్ యాక్టర్ గా సునీల్ ఎంతవరకు రాణిస్తాడో వేచి చూడాలి.
|
|