అఖిల్ కు షూటింగ్ లో గాయాలు..

అఖిల్ అక్కినేని హీరోగా మెగా ప్రొడ్యూస‌ర్ అల్లు అర‌వింద్ స‌మ‌ర్పణ‌లో జీఏ2 పిక్చర్స్ బ్యాన‌ర్‌పై తెర‌కెక్కుతున్న చిత్రం ‘మోస్ట్ ఎలిజిబుల్ బ్యాచ్‌ల‌ర్’. పూజా హెగ్డే హీరోయిన్‌గా నటిస్తు్న్నారు. ‘బొమ్మరిల్లు’ భాస్కర్ దర్శకత్వం వహిస్తున్నారు. గోపీసుందర్ సంగీతం సమకూరుస్తున్నారు. చాలా రోజుల తర్వాత 'బొమ్మరిల్లు' భాస్కర్ తెలుగులో చేస్తున్న సినిమా ఇది  అప్పుడెప్పుడో రామ్ హీరోగా వచ్చిన ఒంగోలు గిత్త తర్వాత ఈయన తెలుగులో కనిపించలేదు. ఆ తర్వాత అఖిల్ అక్కినేని కోసం కథ సిద్ధం చేసి ప్రస్తుతం ఈ సినిమాతో బిజీగా ఉన్నాడు. ఈ చిత్ర షూటింగ్ ప్రస్తుతం వేగంగా జరుగుతుంది. 'జిఏ2′ పిక్చర్స్' బ్యానర్‌పై వరస విజయాలతో జోరు మీదున్న బన్నీ వాస్ నిర్మిస్తుండటంతో అంచనాలు కూడా భారీగానే ఉన్నాయి. ఇప్పటికే విడుదలైన తొలి పాట మనసా.. మనసా కూడా మంచి అప్లాజ్ అందుకుంది.

సిధ్ శ్రీరామ్ పాడిన ఈ పాటకు పాజిటివ్ రెస్పాన్స్ వస్తుంది. ఇప్పటికే ఈ చిత్రం షూటింగ్ 70 శాతం పూర్తయింది. సమ్మర్ కానుకగా సినిమాను విడుదల చేయాలని చూస్తున్నారు దర్శక నిర్మాతలు. అయితే ఇప్పుడు అఖిల్‌పై ఓ ఫైట్ సీక్వెన్స్ చిత్రీకరిస్తున్న సమయంలో ఆయనకు గాయమైందని తెలుస్తుంది. ఫైట్ చేస్తున్నపుడు అఖిల్ కుడి చేతికి గాయమవ్వడంతో డాక్టర్లు వారం రోజుల పాటు విశ్రాంతి తీసుకోవాలని సూచించినట్లు ప్రచారం జరుగుతుంది. ప్రస్తుతం అఖిల్ రెస్ట్ తీసుకుంటున్నాడు.

వారం రోజుల తర్వాత అంటే.. మార్చ్ 12 నుంచి మళ్లీ ఈయన షూటింగ్‌కు వస్తాడని తెలుస్తుంది. ఈ సినిమాలో అఖిల్‌కు జోడీగా పూజా హెగ్దే నటిస్తుంది. ఈ చిత్రానికి గీత గోవిందం ఫేమ్ గోపిసుందర్ సంగీతం అందిస్తున్నాడు. హ్యాట్రిక్ ఫ్లాపులతో ఉన్న అఖిల్‌కు ఈ సినిమా విజయం తప్పనిసరిగా మారింది. 'హలో' మంచి టాక్ తెచ్చుకున్నా కూడా కమర్షియల్‌గా వర్కవుట్ కాలేదు. దాంతో ఇప్పుడు బొమ్మరిల్లు భాస్కర్ సినిమాపైనే ఆశలు పెట్టుకున్నాడు అఖిల్. మరోవైపు భాస్కర్‌కు కూడా ఈ సినిమా ముఖ్యమే. ఏదేమైనా కూడా అఖిల్ త్వరగా కోలుకోవాలని కోరుకుంటున్నారు అక్కినేని అభిమానులు.