‘కోహినూర్’ వజ్రం కోసం పవన్ ఫైట్..

ఒక వైపు రాజకీయాలతో ఫుల్ బిజీగా ఉన్న పవన్ కళ్యాణ్.. ఏపీలో ఎన్నికలకు ఇంకా సమయం ఉండటంతో ఈ గ్యాప్‌లో వరుసగా సినిమాలు చేయాలని ఫిక్స్ అయ్యాడు క్రిష్ దర్శకత్వంలో  పీరియాడికల్ బ్యాక్ డ్రాప్ మూవీ చేస్తోన్న సంగతి తెలిసిందే కదా. ఈ సినిమాకు రీసెంట్‌గా కొబ్బరికాయ కొట్టిన సంగతి తెలిసిందే కదా. పవన్ 27వ చిత్రంగా తెరకెక్కుతోన్న ఈ మూవీని ఏఎమ్ రత్నం నిర్మిస్తున్నారు. ప్రస్తుతం ఈ మూవీ శరవేగంగా షూటింగ్ జరుగుతోంది. చిత్రీకరణలో భాగంగా ఇప్పుడు ఫైట్ సీన్లను తెరకెక్కిస్తున్నారట దర్శకుడు. ‘కోహినూర్’ వజ్రం కోసం జరిగే పోరాటం నేపథ్యంలో ఈ ఫైట్ సీన్లు ఉండబోతున్నట్లు తెలుస్తోంది. ఇందుకోసం మాస్టర్లు ప్రత్యేక ఫైటింగ్ సీన్లను డిజైన్ చేశారట. అంతేకాదు సినిమా హైలెట్‌లలో ‘కోహినూర్’ ఫైట్ ఒకటిగా నిలుస్తుందని యూనిట్ వర్గాల ద్వారా సమాచారం అందుతోంది.

కాగా స్వాతంత్య్రం ముందు జరిగిన పీరియాడిక్ డ్రామాగా క్రిష్ ఈ చిత్రాన్ని తెరకెక్కిస్తున్నారు. ఇందులో పవన్.. రాబిన్ హుడ్ తరహా పాత్రలో నటించబోతున్నట్లు తెలుస్తోంది. అలాగే హాట్ యాంకర్ అనసూయ మరో కీలక పాత్రలో కనిపించబోతున్నట్లు సమాచారం. సినిమా మొత్తంలో ఈమె పాత్ర 30నిమిషాలు ఉండనుందని.. కీలక పాత్రల్లో అనసూయ కూడా ఒకరని టాక్. కీరవాణి సంగీతం అందిస్తున్న ఈ మూవీని ఈ ఏడాది చివర్లో గానీ.. వచ్చే ఏడాది ప్రారంభంలో గానీ ప్రేక్షకుల ముందుకు తీసుకురావాలని దర్శకనిర్మాతలు భావిస్తున్నట్లు తెలుస్తోంది. ఇదిలా ఉంటే ఈ మూవీతో పాటు వేణు శ్రీరామ్ దర్శకత్వంలో పవన్ కల్యాణ్ వకీల్ సాబ్ అనే చిత్రంలో నటిస్తున్నారు. హిందీలో ఘన విజయం సాధించిన పింక్ రీమేక్‌గా ఈ చిత్రం తెరకెక్కుతోంది. దిల్ రాజు, బోని కపూర్ సంయుక్తంగా నిర్మిస్తోన్న ఈ మూవీకి థమన్ సంగీతం అందిస్తుండగా.. మేలో ప్రేక్షకుల ముందుకు రానుంది..