ఐఫా సినీ ఉత్సవం వాయిదా.. కారణం కరోనా వైరస్
cinema | Suryaa Desk | Published : Fri, Mar 06, 2020, 06:44 PM
కరోనా వైరస్ కారణంగా ప్రపంచంలోని సినిమా థియేటర్లు మూతపడబోతున్నాయా?.. అంటే అవును అనే సమాధానం వినిపిస్తోంది. గతకొద్ది రోజులుగా కరోనా వైరస్ ప్రపంచాన్ని గజగజ వణికిస్తుంది. కరోనా ఎఫెక్ట్ తో సభలు, సమావేశాలు రద్దు చేసుకుంటున్నారు. కరోనా వ్యాప్తి కట్టడి కోసం సాధ్యమైనంత వరకు ప్రజలు గుంపులుగా ఏర్పడవద్దని ప్రపంచ వ్యాప్తంగా నిపుణులు సూచిస్తున్నారు. ఈ నేపథ్యంలో హోలీ జరుపుకోవడం లేదని ప్రధాని నరేంద్ర మోదీ ప్రకటించిన సంగతి తెలిసిందే. తాజాగా కరోనా ఎఫెక్ట్ తో 21వ ఇంటర్నేషనల్ ఇండియన్ ఫిల్మ్ అకాడమీ అవార్డుల (ఐఫా) ఉత్సవం వాయిదా పడింది.
మార్చి చివరిలో భోపాల్లో ఈ వేడుకను అత్యంత ప్రతిష్ఠాత్మకంగా నిర్వహించేందుకు సన్నాహాలు జరిగాయి. అయితే కరోనా వైరస్ ప్రభావం వల్ల ఈ కార్యక్రమాన్ని వాయిదా వేశారు. కొత్త తేదీని నిర్వాహకులు ప్రకటించాల్సి ఉంది. కరోనా వైరస్ వ్యాప్తి చెందుతున్న నేపథ్యంలో మధ్యప్రదేశ్ ప్రభుత్వాన్ని సంప్రదించిన తర్వాత 'ఐఫా' వేడుకల్ని వాయిదా వేసినట్లు నిర్వాహకులు పేర్కొన్నారు.
|
|