టాలీవుడ్లో మరో విషాదం..1000 సినిమాల నటుడు కన్నుమూత
cinema | Suryaa Desk | Published : Fri, Mar 06, 2020, 08:09 PM
గత కొన్ని రోజులుగా తెలుగు ఇండస్ట్రీలో వరుస విషాదాలు చోటు చేసుకుంటున్నాయి. గొల్లపూడి మారుతిరావుతో పాటు మరికొందరు ప్రముఖులు కూడా గత రెండు మూడు నెలల్లో కన్నుమూశారు. ఇప్పుడు మరో సీనియర్ నటుడు కూడా తుదిశ్వాస విడిచారు. తెలుగులో 1000కి పైగా సినిమాల్లో కనిపించిన సీనియర్ ఆర్టిస్ట్ జనార్ధన రావు అనారోగ్యంతో మరణించారు. ఈరోజు ఉదయం చెన్నైలోని ఆయన నివాసంలో అనారోగ్యంతో కన్నుమూశారు జనార్ధన రావు.
దాదాపు 40 ఏళ్లుగా ఇండస్ట్రీలోనే ఉన్నారు. సీనియర్ ఎన్టీఆర్ నుంచి జూనియర్ వరకు చాలా మంది హీరోలతో కలిసి ఎన్నో వందల సినిమాల్లో నటించారు జనార్ధాన రావు. జనతా గ్యారేజ్ సినిమాలో జూనియర్ ఎన్టీఆర్తో కీలకమైన సన్నివేశంలో నటించారు. అందులో గవర్నమెంట్ ఆఫీస్లోకి రౌడీలు వచ్చినపుడు ఎన్టీఆర్ మాట్లాడేది ఈయనతోనే. సినిమాలతో పాటు సౌత్ ఇండియన్ ఫిల్మ్ ఎంప్లాయిస్ ఫెడరేషన్లో జాయింట్ సెక్రటరీగానూ, కమిటీ సభ్యుడిగా జనార్ధన రావు వ్యవహరించారు. గుంటూరు జిల్లాలోని పొనిగళ్ల గ్రామం జనార్ధన్రావు ఈయన స్వస్థలం. 1000కి తెలుగు సినిమాలతో పాటు, సిరీయల్స్లో కూడా నటించారు. గోకులంలో సీత, తలంబ్రాలు వంటి టీవీ సిరీయల్స్లో నటించారు. ఈయన మరణంపై తెలుగు సినీ ప్రముఖులు సంతాపం వ్యక్తం చేశారు.
|
|