ఈనెల 27న ఆర్ఆర్ఆర్ సినిమా నుంచి పోస్టర్ రిలీజ్
cinema | Suryaa Desk | Published : Mon, Mar 09, 2020, 01:27 PM
రాజమౌళి దర్శకత్వంలో ప్రస్తుతం ఆర్ఆర్ఆర్ సినిమా తెరకెక్కుతోంది. ఈ సినిమాపై అంచనాలు భారీగా ఉన్నాయి. సినిమా విషయంలో ఆర్ఆర్ఆర్ ఎక్కడా తగ్గడం లేదు. పాన్ ఇండియా మూవీ పైగా ఎన్టీఆర్, రామ్ చరణ్ లు ఇద్దరు కూడా ఈ సినిమాలో నటిస్తున్నారు. కాబట్టి క్రేజ్ వచ్చింది . ఆర్ఆర్ఆర్ సినిమా కోసం ఫ్యాన్స్ ఆసక్తిగా ఎదురుచూస్తున్న సంగతి తెలిసిందే. ఆర్ఆర్ఆర్ సినిమాకు సంబంధించి ఇప్పటి వరకు ఒక్క అప్డేట్ కూడా అఫీషియల్ గా రిలీజ్ చేయలేదు. సినిమా టైటిల్ గాని, సినిమా పోస్టర్స్ గాని రిలీజ్ చేయలేదు. దీంతో ఫ్యాన్స్ ఎన్నో రోజులుగా రాజమౌళిని బతిమిలాడుతున్నారు. ఒక్క పోస్టర్ ప్లీజ్ అని సోషల్ మీడియాలో పోస్ట్ చేస్తున్నారు.
అయితే మార్చి నెలలో ఆర్ ఆర్ఆర్ సినిమాకు సంబంధించిన అప్డేట్ ఉంటుందని యూనిట్ అధికారికంగా ప్రకటించిన సంగతి తెలిసిందే. ఈనెల 27 వ తేదీన రామ్ చరణ్ పుట్టినరోజు వేడుకలు జరగబోతున్నాయి. ఆరోజున ఈ సినిమాకు సంబంధించిన పోస్టర్ ను రిలీజ్ చేసే ఛాన్స్ ఉన్నట్టుగా తెలుస్తోంది. అయితే, అదే రోజున రామ్ చరణ్ కు సంబంధించిన పోస్టర్ మాత్రమే రిలీజ్ చేస్తారా, లేదంటే ఎన్టీఆర్ రామ్ చరణ్ ఇద్దరి పోస్టర్ రిలీజ్ చేస్తారా అన్నది తెలియాల్సి ఉన్నది. ఇక ఈ సినిమాను వచ్చే ఏడాది జనవరి 8 వ తేదీన రిలీజ్ చేసేందుకు ప్లాన్ చేస్తున్న సంగతి తెలిసిందే. రాజమౌళి దర్శకత్వంలో తెరకెక్కుతున్న ఈ సినిమాలో టాలీవుడ్ నుంచే కాకుండా బాలీవుడ్ హాలీవుడ్ నుంచి అనేకమంది నటీనటులు నటిస్తున్న విషయం తెలిసిందే.
|
|