నాకు భర్త అయ్యే అర్హత ఆ ముగ్గురు హీరోలకు ఉంది: తమన్నా

తెలుగుతో పాటు త‌మిళ‌, హిందీ, క‌న్న‌డ సినిమాల్లోనూ న‌టిస్తూ తన సత్తాను చాటుతోంది త‌మ‌న్నా. ఇన్నేళ్ల‌లో త‌మ‌న్నా అంటే ముందుగా గుర్తొచ్చేది మిల్కీ అందాలే. మిల్కీ బ్యూటీ తమన్నాకు భర్తగా ఉండాల్సిన అర్హత ఆ ముగ్గురి హీరోలకే ఉందట. ఇదే విషయాన్ని ఆమెనే స్వయంగా చెప్పింది. తమన్నా భాటియా ప్రస్తుతం 30వ సంవత్సరంలోకి అడుగుపెట్టింది. ఆమె సినీ ఇండస్ట్రీకి వచ్చి ఇప్పటికే 15 సంవత్సరాలు పూర్తయ్యాయి. 2005లో చాంద్ సా రోషన్ చెహ్ర అనే సినిమాతో హిందీలో అడుగుపెట్టింది. ఇండస్ట్రీకి వచ్చి ఇన్నేళ్లైనా.. ఇప్పటికీ ఆమె అందంలో ఎలాంటి తేడా రాలేదు. అదే మంచి ఫిజిక్‌ని ఇప్పటికీ మెయిన్‌టైన్ చేస్తుంది. చిన్నా, పెద్దా అనే తేడా లేకుండా దాదాపు అందరి హీరోలతోనూ నటించింది తమన్నా. ఇప్పటికీ మంచి అవకాశాలను చేజెక్కించుకుంటుంది.అయితే.. ఈ భామ ప్రస్తుతం 30కి చేరువైంది. అయినా ఆమె పెళ్లి ఊసే ఎత్తడంలేదు. తాజాగా ఓ ఇంటర్వ్యూలో ఆమె పెళ్లి గురించి టాపిక్ వచ్చింది. దీనికి సంబంధించి ఆసక్తికరమైన సమాధానమిచ్చింది తమన్నా. ఒకవేళ మీ అమ్మ స్వయం వరం ఏర్పాటు చేస్తే.. ఎవరు రావాలనుకుంటున్నారు? అసలు మీకు ఎలాంటి భర్త కావాలి? అన్న ప్రశ్నలకు బదులుగా.. ఒకవేళ మా అమ్మ గనుక నాకు స్వయం వరం ఏర్పాటు చేస్తే.. విక్కీ కౌశల్, హృతిక్ రోషన్, ప్రభాస్‌లను కూడా పిలుస్తానని చెప్పింది. వీరి ముగ్గురికే నాకు భర్త అయ్యే అర్హత ఉందని చెప్పకనే చెప్పేసింది తమన్నా.
అలాగే ఇదివరికే చాలా సందర్భాల్లో కూడా.. విక్కీ కౌశల్‌తో డేటింగ్‌కి వెళ్లాలని ఉంది అని కూడా చెప్పింది తమన్నా. ఈ సమాధానం బట్టి చూస్తే.. తమన్నాకు ఎలాంటి వారు కావాలనేది అర్థమైపోయింది. అయితే ఈ లిస్ట్‌లో ప్రభాస్ ఉండటం విశేషం. వీరిద్దరూ కలిసి రెబల్, బాహుబలి, బాహుబలి-2 చిత్రాల్లో కలిసి నటించారు.