'83' ట్రైలర్ లంచ్ ఈవెంట్ రద్దు... కారణం కరోనా
cinema | Suryaa Desk | Published : Wed, Mar 11, 2020, 12:44 PM
ప్రపంచం మొత్తం కరోనా పేరు చెప్తే వణికిపోతుంది. దేశదేశాలు గడగడలాడిపోతున్నాయి. కరోనా ఎఫెక్ట్ తో ఎన్నో ఈవెంట్లు రద్దు అవుతున్నాయి. ఇప్పటికే కొన్ని ఏరియాల్లో జనాలు ఎక్కువగా సంచరించే థియేటర్స్ , మాల్స్ వంటివి మూసేస్తున్నారు. ఇక ఇండియాలో కూడా ఇదే పరిస్థితి. తాజాగా బాలీవుడ్ సినిమా కు కూడా కరోనా ఎఫెక్ట్ పడింది. 1983 క్రికెట్ చెరిత్రలో ముఖ్యమైన ఏడాది. కపిల్ దేవ్ సారథ్యంలో భారత జట్టు ప్రపంచకప్ను ఈ 83లోనే సాధించింది. అయితే 83 ప్రపంచకప్పు నేపథ్యంలో బాలీవుడ్ లో ఒక సినిమా తెరకెక్కుతుంది . రణవీర్ సింగ్ హీరోగా నటిస్తున్న ఈ సినిమా త్వరలో ప్రేక్షకుల ముందుకు రానుంది . ఈ సినిమా ట్రైలర్ లాంచ్ ఈవెంట్ని గ్రాండ్గా జరపాలని చిత్ర బృందం భావించింది. కాని ప్రస్తుతం విజృంభిస్తున్న కరోనా కారణంగా ఈవెంట్ని రద్దు చేసినట్టు సమాచారం. ఇక ఈ సినిమాకు కబీర్ సింగ్ దర్శకత్వం వహిస్తున్నారు. దీపికా పదుకొనె కపిల్ దేవ్ భార్యగా నటిస్తుంది. సునీల్ గవాస్కర్ పాత్రలో నటుడు తాహీర్ రాజ్ భాసిన్, జట్టు మేనేజర్ మాన్ సింగ్ పాత్రలో పంకజ్ త్రిపాఠి, క్రికెటర్లు సందీప్ పాటిల్ పాత్రలో ఆయన తనయుడు చిరాగ్ పాటిల్, శ్రీకాంత్ పాత్రలో తమిళ నటుడు జీవా, సయ్యద్ కిర్మాణిగా సాహిల్ ఖట్టర్, బల్వీందర్ సింగ్గా అమ్మీ విర్క్ కనిపించబోతున్నారు.
|
|