హీరోయిన్ విషయంలో నాగఅశ్విన్, ప్రభాస్ ల మధ్య బేధాభిప్రాయాలు..!

ప్రభాస్‌ కథానాయకుడిగా నాగ్‌అశ్విన్‌ (‘మహానటి’ ఫేమ్‌) దర్శకత్వంలో ఓ సినిమా రూపొందబోతున్నది. ఈ చిత్రాన్ని ప్రముఖ నిర్మాణ సంస్థ వైజయంతీ మూవీస్‌ తెరకెక్కించనుంది. ఈ ప్రొడక్షన్‌ హౌస్‌ 50వ ఏట అడుగుపెడుతున్న సందర్భంగా ఈ సినిమాను ప్రకటించారు. ‘నాగ్‌అశ్విన్‌ చెప్పిన కథ నచ్చడంతో ప్రభాస్‌ ఈ సినిమా చేయడానికి అంగీకరించారు. మునుపెన్నడూ చూడని విధంగా ప్రభాస్‌ను కొత్త పంథాలో ఆవిష్కరించే చిత్రమిది. అయితే ఈ చిత్రం సుమారు 400 కోట్ల ఖర్చుతో తీస్తున్నారట. ఇక ఈ సినిమాలో నటించబోయే మిగతా ఆర్టిస్ట్ ల పై వీరిద్దరి మధ్య చర్చ మొదలయింది. ఇక ఈ చిత్రంలో హీరోయిన్‌గా ప్రభాస్ ఆలోచనలు ఒకలా ఉంటే నాగ్ అశ్విన్ ఆలోచనలు మరోలా ఉన్నాయట. అయితే ఈ చిత్రంలో భారీ యాక్షన్ సీన్స్ ఉండటంతో బాలీవుడ్ మార్కెట్ ను సైతం దృష్టిలో పెట్టుకుని ఈ మూవీకి హీరోయిన్ గా కత్రినా కైఫ్ ను ఎంపిక చేయమని ప్రభాస్ ఆలోచన అట. దాంతో ప్రభాస్ నాగఅశ్విన్‌కి కత్రిన అయితే బావుంటుందని చెప్పారట.కాని వాస్తవానికి 'సాహో' నిర్మాణ సమయంలో కూడ ప్రభాస్ ఆ మూవీకి హీరోయిన్ గా కత్రినా కైఫ్ ను పెట్టమని దర్శకుడు సుజిత్ కు సలహా ఇస్తే సుజిత్ మాత్రం పట్టుబట్టి 'సాహో'కి శ్రద్దా కపూర్ ని హీరోయిన్ గా ఓకే చేశారట. అతి కష్టం మీద ప్రభాస్ అప్పుడు ఒప్పుకున్నాడట. అయితే ప్రభాస్ కు కత్రినా పై ఉన్న అభిమానం తీరకపోవడంతో మళ్ళీ నాగ్ అశ్విన్ కి కత్రినా ప్రస్తావన తీసుకు వచ్చినట్లు సచారం. మరి ఈ సారైనా ఆ కోరిక నెరవేరుతుందో లేదో చూడాలి.అయితే నాగ్ అశ్విన్ మాత్రం ప్రస్తుతం బాలీవుడ్‌లో కూడా ఆమెకు కొంత క్రేజ్ తగ్గింది కాబట్టి నాగఅశ్విన్ ఆలోచనలు వేరుగా ఉన్నాయట. ఆమెకు బదులు ఈ మూవీ హీరోయిన్ గా కియారా అద్వాని పూజా హెగ్డే లలో ఎవరో ఒకర్ని సెలెక్ట్ చేయమని ప్రభాస్ కు చెప్పారట. కానీ ప్రభాస్ ఈ విషయంలో ఒప్పుకోవడంలేదని కాస్త ఇద్దరి మధ్య బేధాభిప్రాయాలు వచ్చాయని వార్తలు వినిపిస్తున్నాయి. అయితే అశ్విన్ మాత్రం ప్రభాస్‌ని ఒప్పిస్తున్నట్లు తెలుస్తోంది. వాస్తవానికి కత్రినా టాప్ హీరోయిన్ అవ్వకముందు వెంకటేష్ బాలకృష్ణ లతో చాల సంవత్సరాల క్రిందట సినిమాలు చేసింది. ప్రస్తుతం ఆమె హవా బాలీవుడ్ లో పూర్తిగా తగ్గిన పరిస్థితులలో ప్రభాస్ కు లేటెస్ట్ గా కత్రినా పై అభిమానం కలగడం పై అర్ధం ఏంటో మరి అని అనుకుంటున్నారు.