పవన్ కల్యాణ్ సినిమాలో ఇలియానా..?
cinema | Suryaa Desk | Published : Thu, Mar 12, 2020, 12:19 PM
రాజకీయల కోసం రెండేళ్ళు దూరంగా ఉన్న పవర్ స్టార్ పవన్ కళ్యాణ్ మళ్ళీ సినిమాల్లోకి రీఎంట్రీ ఇస్తున్న సంగతి తెలిసిందే.. బాలీవుడ్ హిట్ చిత్రం పింక్ రీమేక్ గా పవన్ 'వకీల్ సాబ్' తెరకెక్కుతుంది. ఇది పవన్ కి 26 వ చిత్రం.. హిందీలో వచ్చిన పింక్ సినిమాకి ఇది రీమేక్. ఈ సినిమా షూటింగ్ వేగంగా సాగుతోంది. ఈ నెల 21న చివరి షెడ్యూల్ కూడా మొదలు కాబోతోంది. వేణుశ్రీరామ్ దర్శకత్వంలో.. దిల్ రాజు, బోనీ కపూర్ కలిసి నిర్మిస్తున్న ఈ సినిమా వేసవిలో ప్రేక్షకుల ముందుకు రానుంది. అయితే, ఈ సినిమాలో పవన్ కల్యాణ్ సరసన శ్రుతి హాసన్ నటిస్తుందని గత కొంతకాలంగా వార్తలు వస్తున్నాయి. గబ్బర్ సింగ్, కాటమరాయుడు సినిమాలో నటించిన ఈ బ్యూటీ ముచ్చటగా మూడో సారి పవర్ స్టార్ సరసన వకీల్ సాబ్లో నటించబోతోందని ఊహాగానాలు వినిపించాయిఅయితే, ఇప్పుడు శ్రుతి హాసన్ కాదు.. ఇలియానా అన్న వార్త నెట్టింట్లో చక్కర్లు కొడుతోంది. శ్రుతి హాసన్కు బదులు ఇలియానాను తీసుకోవాలని సినిమా బృందం భావిస్తున్నట్లు వార్తలు వస్తున్నాయి. జల్సా సినిమాలో పవన్ కల్యాణ్ సరసన నటించిన ఇల్లీ బేబీ.. ఇప్పుడు మరోసారి జత కడుతుందని సినీ వర్గాలు జోరుగా చర్చించుకుంటున్నాయి. టాలీవుడ్లో మళ్లీ పాగా వేయాలని చూస్తున్న ఈ గోవా బ్యూటీకి అవకాశం దక్కితే అంతకు మించిన అదృష్టం ఇంకోటి ఉండదని విశ్లేషకులు అంటున్నారు. మరి.. ఈ ఇద్దరిలో పవన్ సరసన నటించే అవకాశం ఎవరికి వస్తుందో మరి.
|
|