జబర్దస్త్ కమెడియన్ చమ్మక్ చంద్ర హీరోగా సినిమా... రిలీజ్ డేట్ ఖరారు
cinema | Suryaa Desk | Published : Thu, Mar 12, 2020, 02:17 PM
ప్రముఖ ఛానల్ లో ప్రసారం అయ్యే జబర్దస్త్ కామెడీ షో ఎంత పెద్ద హిట్టయిందో పెద్దగా చెప్పాల్సిన పనిలేదు. ఈ షో ద్వారా పరిచయం అయిన హాస్యనటులు ఇప్పుడు స్టార్ హీరోల సినిమాల్లో కమెడియన్ గా నటిస్తున్నారు. ఇంకొందరు ఏకాంగా హీరోలే అయ్యారు. అలా పేరు సంపాదించుకున్న హాస్యనటులలో చమ్మక్ చంద్ర ఒకడు.చమ్మక్ చంద్ర కథానాయకుడిగా సతీశ్ కుమార్ నిర్మాణంలో 'రామసక్కనోళ్లు' చిత్రం రూపొందింది. సర్కార్ దర్శకత్వం వహించిన ఈ సినిమాకి విడుదల తేదీని ఖరారు చేశారు. ఈ నెల 20వ తేదీన ఈ సినిమాను విడుదల చేయనున్నారు. కథానాయికగా మేఘన పరిచయమవుతున్న ఈ సినిమాలో, నాగినీడు .. సాయాజీ షిండే .. బ్రహ్మాజీ ముఖ్యమైన పాత్రల్లో కనిపించనున్నారు.ఘంటాడి కృష్ణ సంగీతం ఈ సినిమాకి ప్రత్యేక ఆకర్షణగా నిలుస్తుందని అంటున్నారు. ఇప్పటివరకూ కామెడీ .. డాన్సులు మాత్రమే చేస్తూ వచ్చిన చమ్మక్ చంద్ర, ఈ సినిమాలో యాక్షన్ సీన్స్ చేయడం విశేషం. చమ్మక్ చంద్ర హీరోగా చేస్తున్న ఈ సినిమా, ఆయన కెరియర్ కి ఎంతవరకూ హెల్ప్ అవుతుందో చూడాలి. జబర్దస్త్ కమెడియన్
|
|