మంచి మనసు ఉన్న హీరో విజయ్ సేతుపతి..
cinema | Suryaa Desk | Published : Fri, Mar 13, 2020, 12:52 PM
తమిళ స్టార్ హీరో విజయ్ సేతుపతి తమిళ్ తెలుగులోను మంచి క్రేజ్ ఉన్న విషయం తెలిసిందే.ఇటీవల '96' సినిమా తో మంచి విజయాన్ని అందుకున్న విజయ్ సేతుపతి ప్రస్తుతం విజయ్ నటిస్తున్న 'మాస్టర్' సినిమాలో నటిస్తున్నాడు. దాంతో పాటు తెలుగులో 'ఉప్పెన' సినిమా చేస్తున్నారు. తాజాగా తాను రీల్ లైఫ్ లోనే కాదు రియల్ లైఫ్ లోను హీరో అని నిరూపించుకున్నాడు. తన సినిమాలో తన తో పాటు నటించిన క్యారెక్టర్ ఆర్టిస్ట్ లోకేష్ అనారోగ్యానికి గురయ్యాడని తెలుసుకొని చెలించిపోయాడు విజయ్. విజయ్ సేతుపతి నటించిన 'నేను రౌడీనే'లో లోకేశ్ చిన్న పాత్ర పోషించాడు. ఇప్పుడు అతడు తీవ్ర అనారోగ్యంతో ఆసుపత్రిలో చికిత్సపొందుతున్నాడు. గుండెపోటుతో ఆసుపత్రిలో చేరాడు చికిత్స పొందుతుండగా పక్షవాతం వచ్చింది.అతని కుటుంబం వైద్య ఖర్చులు భరించలేని పరిస్థితిలో ఉందన్న విషయం తెలుసుకున్న విజయ్ స్వయంగా ఆసుపత్రికి వెళ్లి పరామర్శించాడు. లోకేష్ కు అయ్యే వైద్య ఖర్చులన్నీ తానే భరిస్తానని హామీ ఇచ్చాడు.అంత పెద్ద హీరో అయ్యుండి.. క్షణం తీరిక లేకుండా సినిమాలు చేస్తున్నప్పటికీ సహనటుడికోసం విజయ్ సేతుపతి రావడం తో సర్వత్రా విజయ్పై ప్రశంసలు వెల్లువెత్తుతున్నాయి.
|
|