బిగ్ బాస్ 3 కంటెస్టెంట్కు సోషల్ మీడియాలో లైంగిక వేధింపులు..
cinema | Suryaa Desk | Published : Fri, Mar 13, 2020, 07:02 PM
బిగ్ బాస్ తెలుగు సీజన్ 3 కంటెస్టెంట్, యాంకర్ శిల్పా చక్రవర్తికి సోషల్ మీడియాలో లైంగిక వేధింపులు ఎక్కువయ్యాయి. రెండు నెలలకు పైగా ఓ వ్యక్తి ఆమెను ట్విట్టర్ వేదికగా వేధిస్తున్నాడు. దీనిపై గతంలో ఆమె సైబర్ క్రైమ్ పోలీసులను ట్యాగ్ చేసి ట్విట్టర్ ద్వారా ఫిర్యాదు చేసింది. అయినా కూడా వారి నుంచి ఎలాంటి రెస్పాన్స్ రాకపోవడంతో అతడు మరోసారి తన పైశాచికత్వాన్ని ప్రదర్శించారు. ఆమెకు అసభ్యరకమైన మెసేజ్లు పంపాడు. దీంతో బాధితురాలు తీవ్ర ఆగ్రహాన్ని వ్యక్తం చేసింది. ఫిర్యాదు చేసి రెండు నెలలైనా సైబర్ క్రైమ్ విభాగం ఎలాంటి చర్యలు తీసుకోకపోవడంపై ఆగ్రహం వ్యక్తం చేసింది. ‘నేను ఫిర్యాదు చేసి రెండు నెలలైంది. ఇప్పటి వరకు ఎలాంటి చర్యలు తీసుకోలేదు. ఈ సోషల్ మీడియా హ్యాండిల్స్ ఎందుకు ఆభరణంగా? లేకపోతే పబ్లిసిటీ కోసమా?’ అంటూ మరోసారి ట్వీట్ చేసింది.
@hydcitypolice,@TelanganaDGP,@IGWomenSafety - this person by profile name SISODIA Atul has been sending abusive messages in my INBOX,sleazy replies to my Friends/Followers on my Posts. Its become a harassment for quite sometime. I request you to help me on this. @CyberCrimeshyd pic.twitter.com/4zkCsAZqM3
— Anchor Shilpa (@tvshilpa) January 4, 2020
|
|