‘మాస్టర్’ కోసం విజయ్ పారితోషికం రూ.80కోట్లా..!
cinema | Suryaa Desk | Published : Sat, Mar 14, 2020, 06:42 PM
ఒకసారి స్టార్ హోదా వచ్చిందంటే ఆ నటుడి కోసం దర్శక..నిర్మాతలు సినిమాలు తీసేందుకు ఎగబడతారు. అంతేకాదు వారు అడిగినంత పారితోషికాన్ని కూడా ఇచ్చేందుకు వెనుకాడరు. అందుకే `మాస్టర్` చిత్రానికి ఏకంగా రూ.80కోట్లు పారితోషికం గా తీసుకున్నాడట తమిళ స్టార్ నటుడు విజయ్. ఈ వార్త వింటే గుండె ఝల్లుమనాల్సిందే. ఇంత భారీ భారీపారితోషికం తీసుకున్ననేపథ్యం లో ఆ వార్త తెలిసి ఐటీ అధికారులు దాడులు నిర్వహించారట. విజయ్ పై ఇలా దాడులు నిర్వహించడం పై ఆయన అభిమానులు మండిపడ్డారు కూడా. దీనికి రకరకాల రాజకీయ కారణాలున్నాయని ఆరోపించారు. రజనీకాంత్ వంటి హీరోపై ఇలాంటి దాడులు నిర్వహించగలరా అని అటు అభిమానులు.. ఇటు విజయ్ కూడా ఐటీ అధికారులను ప్రశ్నించారు. అయితే విజయ్ నటించిన గత చిత్రం ` విజిల్` డివైట్ టాక్ వచ్చినా బాక్సాఫీసు వద్ద భారీ కలెక్షన్లని రాబట్టి నిర్మాతలు.. బయ్యర్లని సేఫ్ జోన్ లో పడేసింది. దీంతో విజయ్ అడిగిన మొత్తాన్ని ఇచ్చేందుకు నిర్మాతలు కూడా సుముఖంగా ఉండటం విశేషం.
|
|