సినిమా లో అవకాశం కోసం ఎన్నోఆఫీసుల చుట్టూ తిరిగాను: యాంకర్ ప్రదీప్
cinema | Suryaa Desk | Published : Tue, Mar 17, 2020, 01:35 PM
తెలుగు బుల్లితెరపై ఉన్న యాంకర్స్లో ప్రదీప్ స్టార్. చాలా మంది మేల్ యాంకర్స్ ఉన్నా కూడా తనకంటూ ప్రత్యేకమైన గుర్తింపు సంపాదించుకున్నాడు ఈ కుర్ర యాంకర్. ప్రదీప్ హోస్టుగా చేస్తున్నాడంటే నవ్వులకు ఢోకా ఉండదు. ఇక తెలుగు బుల్లితెరపై మోస్ట్ ఎలిజిబుల్ బ్యాచ్లర్ కూడా ప్రదీపే. తాజాగా 'ఆలీతో సరదాగా' కార్యక్రమంలో ప్రదీప్ మాట్లాడుతూ, తన కెరియర్ కి సంబంధించిన విషయాలను పంచుకున్నాడు. "మా నాన్నగారు నాతో ఎంబీఏ చేయించడం కోసం 'లండన్' పంపించాలనుకున్నారు. నిజం చెప్పాలంటే నాకు ఎంబీఏ చేయాలని లేదు. అక్కడ బ్యాచిలర్ కష్టాలు ఎలా వుంటాయో మా ఫ్రెండ్స్ ద్వారా నాకు తెలుసు. అందువలన అక్కడికి వెళ్లే ఆలోచనలేదు.'నాకు నచ్చిన కెరియర్ ను ఎంచుకుంటాను .. ఒక ఏడాది సమయం ఇవ్వండి' అని మా నాన్నగారిని అడిగాను. ఆయన 'సరే' అనడంతో వెంటనే రంగంలోకి దిగిపోయాను. మంచి మంచి ఫొటోలు దిగేసి, వాటిని పట్టుకుని సినిమా ఆఫీసుల చుట్టూ తిరిగాను. తొలిసారిగా నేను 'మనోరమ' సినిమా కోసం కెమెరా ముందుకు వెళ్లాను. చిన్న పాత్రే అయినా, 'అత్తారింటికి దారేది' నాకు మంచి పేరు తీసుకొచ్చింది" అని చెప్పుకొచ్చాడు.
|
|