ట్రెండింగ్
మరోసారి మారుతి తో నాని..
cinema | Suryaa Desk | Published : Mon, Mar 23, 2020, 12:30 PM
నాని కథానాయకుడిగా మారుతి దర్శకత్వంలో వచ్చిన 'భలే భలే మగాడివోయ్' చిత్రం భారీ విజయాన్ని సాధించింది. నాని కెరియర్లోనే ఈ సినిమా ప్రత్యేకమైన స్థానాన్ని దక్కించుకుంది. అప్పటి నుంచి కూడా ఈ కాంబినేషన్లో మరో సినిమా ఎప్పుడు సెట్ అవుతుందా? అని అంతా ఎదురుచూస్తున్నారు. ఆ సమయం దగ్గరలోనే ఉందనేది తాజా సమాచారం.
నానీ కోసం మారుతి ఒక కథను సిద్ధం చేసి వినిపించడం, ఆ కథను గురించి ఇద్దరు చర్చలు జరపడం చేస్తున్నారట. కథ పూర్తి రూపాన్ని సంతరించుకునే దిశగా ఈ చర్చలు జరుగుతున్నాయని అంటున్నారు. త్వరలోనే కథను లాక్ చేయనున్నట్టు తెలుస్తోంది. నాని నుంచి త్వరలో 'వి' సినిమా రానుండగా, 'టక్ జగదీశ్' చిత్రం సెట్స్ పై వుంది. ఆ తరువాత నాని సినిమా మారుతి దర్శకత్వంలోనే ఉంటుందని చెబుతున్నారు. ఈ ఇద్దరికి కలిసి మరో హిట్ కొడతారేమో చూడాలి.
|
|