నేటి నుంచి నవ్వులే నవ్వులు
cinema | Suryaa Desk | Published : Wed, Mar 25, 2020, 01:18 PM
ఏడుపు సీరియళ్లు చూసి తల పట్టుకునే వారికి కాలర్ ఎగరేసే సమయం వచ్చేస్తుంది. అమృతాన్ని అమాయకుడిని చేసి అప్పాజీ విధించే పెనాల్టీ లకు అంజి ఎలాంటి ఎత్తులేస్తాడో చూసి కడుపుబ్బా నవ్వుకునే సమయం ఆసన్నమయింది. 90వ దశకంలో పిల్లలంతా పడి పడి చూసిన సీరియల్ 'అమృతం' కామెడీ సీరియల్ ఓ మోత మోగించింనడంలో ఏ మాత్రం సందేశం లేదు.అమృతం సీరియల్ సాంగ్ మొదలైతే చాలు మనకు తెలియకుండానే మన పెదాలపై చిరునవ్వు వస్తుంది. మనసు ఎదో తెలియని హాయికి లోనవుతుంది. బహుశా అదేనేమో అమృతం స్పెషల్. అలాంటి నవ్వులను..అలాంటి హాయిని మళ్ళీ మనకు పరిచయం చేయడానికి వస్తుంది అమృతం ద్వితీయం. 'అమృతం' సీరియల్ ఎపిసోడ్ లు అన్నింటినీ జీ-5 ఆన్ లైన్ ఫ్లాట్ ఫారమ్ కొనేసింది. జీ యాప్ లో మాత్రమే ప్రసారమయ్యే ఈ సీరియల్ యొక్క మొదటి ఎపిసోడ్ ఉగాది సందర్భంగా బుధవారం ప్రసారం కానుంది.‘అమృతం 2.0’ సీరియల్లో అమృతం పాత్రను హర్షవర్ధన్ చేస్తున్నారు. ఇక అమృతం స్నేహితుడు ఆంజనేయులు పాత్రలో మొదటి నుండి చివరి వరకు గుండు హనుమంతరావు చేయగా.. ఆయన మరణించడంతో ఆయన పాత్రను సీనియర్ నటుడు ఎల్బీ శ్రీరామ్ చేస్తుండటం విశేషం.
|
|