ట్రెండింగ్
కృష్ణవంశీ దర్శకత్వంలో కనిపించనున్న అనసూయ
cinema | Suryaa Desk | Published : Tue, Mar 31, 2020, 10:44 AM
పరిచయం అవసరం లేని పేరు అనసూయ. 'రంగస్థలం' తరువాత ఆమెకి వరుస అవకాశాలు వచ్చినప్పటికీ, ఆచి తూచి పాత్రలను ఎంపిక చేసుకుంటూ వస్తోంది. కృష్ణవంశీ దర్శకత్వం వహిస్తున్న 'రంగమార్తాండ' సినిమా కోసం ఆమెను ఎంపిక చేసిన సంగతి తెలిసిందే.
అయితే ఆమె ఏ పాత్రలో కనిపించనుందనేది అభిమానుల్లో ఆసక్తిని రేకెత్తిస్తోంది. ఆమె ఈ సినిమాలో 'రంగస్థల నటి'గా కనిపించనుందనేది తాజా సమాచారం. ఊరూరా తిరుగుతూ నాటకాలు ప్రదర్శించే ఓ కళాకారిణిగా ఆమె నటిస్తున్నట్టు చెబుతున్నారు. ఆమె లుక్ కొత్తగా .. మరింత గ్లామరస్ గా ఉంటుందని అంటున్నారు.
ప్రకాశ్ రాజ్ .. రమ్యకృష్ణ ముఖ్యమైన పాత్రలను పోషిస్తున్న ఈ సినిమాను మధు - అభిషేక్ నిర్మిస్తున్నారు. 20 సంవత్సరాల తరువాత కృష్ణవంశీ దర్శకత్వంలో రమ్యకృష్ణ నటిస్తుండటం విశేషం.
|
|