మెగా వారసుల పై సంచనల కామెంట్స్ చేసిన మోహన్ బాబు...

మోహన్ బాబు అంటేనే ఫైర్ బ్రాండ్. ఈ తరం వాళ్లకు ఈయన కేవలం కోపిష్టిగానే తెలుసు కానీ క్రమశిక్షణకు కూడా మారుపేరు మోహన్ బాబు. ప్రతీ విషయంలో ముక్కుసూటిగా ఉండటం కూడా ఈయన శైలి. ఈ మధ్యే ఈయన ఓ ప్రముఖ ఛానెల్‌కు ఇంటర్వ్యూ ఇచ్చాడు. అందులో చాలా విషయాల గురించి చర్చించాడు. ముఖ్యంగా ఇండస్ట్రీలో ఉన్న కొన్ని విషయాల గురించి కూడా నిర్మొహమాటంగా చెప్పాడు కలెక్షన్ కింగ్. మరీ ముఖ్యంగా వారసత్వం గురించి కూడా ఈయన స్పందించాడు. ఇండస్ట్రీలో ఇప్పుడున్న హీరోల్లో 90 శాతం వారసులే ఉన్నారు. మెగా కుటుంబం నుంచి దాదాపు అరడజన్ మంది హీరోలు స్టార్స్ అయ్యారు.దాంతో పాటు నందమూరి, అక్కినేని కుటుంబాల నుంచి కూడా ఉన్నారు. ఇక ఘట్టమనేని, దగ్గుబాటి వారసులు కూడా దుమ్ము దులిపేస్తున్నారు. కానీ మంచువారి కుటుంబం నుంచి మాత్రం మోహన్ బాబు తర్వాత ఆ పేరు కంటిన్యూ చేయలేకపోతున్నారు వారసులు. ఇదే విషయంపై యాంకర్ కూడా కాస్త ధైర్యం చేసి ప్రశ్న అడిగాడు. మెగా వారసులను చూసినపుడు మీకు ఏం అనిపించదా.. మీ వారసులు కూడా సినిమాల్లో మీ పేరు నిలబెట్టారని మీరు అనుకుంటున్నారా అని యాంకర్ అడిగిన ప్రశ్నలకు ఊహించని సమాధానం చెప్పాడు మోహన్ బాబు.వారసత్వం అనే పదమే తనకు ఇష్టం లేదని.. అసలు ఎవడికి కావాలి వారసత్వం అంటూ కామెంట్ చేసాడు ఈయన. విష్ణు.. మనోజ్.. లక్ష్మి తన పిల్లలుగా ఉండాలని రాసిపెట్టి ఉంది వచ్చారంతే.. వారసులేంటి.. వారసత్వం ఏంటి అంటూ కామెంట్ చేసాడు ఈయన. మనోజ్‌కు నటన అంటే ఇష్టం కానీ విష్ణుకు మాత్రం బిజినెస్‌పై మక్కువ ఎక్కువ అని చెప్పాడు కలెక్షన్ కింగ్. ఇక మంచు లక్ష్మి కూడా నటనలోనే కొనసాగాలని చూస్తుందని చెప్పాడు ఈయన. వారసుల గురించి మీ కామెంట్స్ అంటే నో కామెంట్స్ అన్నాడు ఈయన. మొత్తానికి వారసత్వం అనేది తనకు నచ్చని పదమని చెప్పాడు. ఎవడెక్కడ సక్సెస్ కావాలని రాసుంటే అక్కడికి వస్తాడని చెప్పాడు ఈయన.