డైరెక్టర్ విక్రమ్ తో చైతూ సినిమా
cinema | Suryaa Desk | Published : Wed, Apr 15, 2020, 01:28 PM
చైతన్య ప్రస్తుతం శేఖర్ కమ్ముల దర్శకత్వంలో 'లవ్ స్టోరీ' చేస్తున్నాడు. ప్రస్తుతం షూటింగ్ జరుపుకుంటోన్న ఈ సినిమాలో సాయి పల్లవి హీరోయిన్గా నటిస్తోంది. ఇప్పటికే చాలావరకు లవ్ స్టోరీ షూటింగ్ జరపుకుంది. సమ్మర్ రిలీజ్కు ప్లాన్ చేస్తోంది చిత్రబృందం. దీంతో ఆ మధ్య సినిమాలో ఓ ప్రోమో సాంగ్ను విడుదల చేసింది చిత్రబృందం. అది అలా ఉంటే ఈ మధ్య కాలంలో నాగ చైతన్య కథల విషయంలో మరింత జాగ్రత్తగా ఉంటున్నాడు. 'మజిలీ' తరువాత ఆయన కొత్తదనం గల కథలను మాత్రమే ఎంచుకుంటూ విజయాలను అందుకుంటున్నాడు. ఈ సినిమా తరువాత ఆయన పరశురామ్ దర్శకత్వంలో 'నాగేశ్వరరావ్' చేయవలసి వుంది. కానీ పరశురామ్ .. మహేశ్ బాబు ప్రాజెక్టుపైకి వెళ్లడంతో, 'నాగేశ్వరరావ్' సెట్స్ పైకి వెళ్లడానికి చాలా సమయమే వుంది.ఈ లోగా చైతూని విక్రమ్ కుమార్ సంప్రదిస్తున్నట్టుగా ఒక వార్త షికారు చేసింది. చైతూకి కథ నచ్చితే ఈ ప్రాజెక్టు సెట్ అయ్యే అవకాశాలు వున్నాయనే ప్రచారం జరిగింది. కథ నచ్చడంతో విక్రమ్ కుమార్ కి చైతూ గ్రీన్ సిగ్నల్ ఇచ్చాడనేది తాజా సమాచారం. విభిన్నమైన కథాకథనాలతో ఈ సినిమా రూపొందనుందని అంటున్నారు. 'దిల్' రాజు నిర్మిస్తున్న ఈ సినిమాలో కథానాయిక ఎవరనే విషయంతో పాటు, మిగతా వివరాలు త్వరలో తెలియనున్నాయి.
|
|