ఎన్టీఆర్ హీరో‌తో డేట్‌ చేయాలని ఉంది:రష్మీ గౌతమ్

తెలుగు సినీ ప్రియులకు, టీవీని వీక్షించేవారికి రష్మీ అంటే తెలియని వారుండరంటే అతిశయోక్తికాదు. అంత పాపులర్ ఈ భామ. తనదైన శైలిలో యాంకరింగ్ చేస్తూ..అవకాశం ఉన్నప్పుడు అడపా దడపా సినిమాలు చేస్తూ.. తగిన మోతాదుల్లో అందాలను కనువిందు చేస్తూ..తెలుగు రాష్ట్రాల్లో విపరీతంగా క్రేజ్ సంపాదించుకుంది. ఆ మధ్య రష్మీ నటించిన 'గుంటూరు టాకీస్' కేవలం రష్మీ పేరు.. తన అందచందాలతోనే హిట్ అయ్యిందని చెబుతారు..ఆమె అభిమానులు. అది అలా ఉంటే రష్మీ వీలున్నప్పుడల్లా.. ఫోటోషూట్‌లు చేస్తూ.. కుర్రకారు మతిపోయేలా చేస్తోంది. తాజాగా ఈమె లాక్‌డౌన్ సందర్భంగా ఆకలితో అలమటిస్తోన్న జంతువులకు ఇంట్లో వంట వండి వాటికి పెడుతోంది. దాంతో ఖాళీ సమయాల్లో అభిమానులతో చిట్‌చాట్ చేస్తోంది రష్మీ గౌతమ్. తాజాగా ఈ భామ ఎన్టీఆర్‌తో స్పెషల్ సాంగ్ చేసే అవకాశమొస్తే ఏమి చేస్తారనే దానికి.. ఛాన్స్ రావలే కానీ.. ఎందుకు వదలుకుంటాను అని ఆసక్తికర సమాధానమిచ్చింది. మొత్తానికి ఎన్టీఆర్‌తో రష్మీ గౌతమ్ కాంబినేషన్‌లో స్పెషల్ సాంగ్ అంటే ఏ రేంజ్‌లో ఉంటుందని అభిమానులు ఆసక్తికరంగా చర్చించుకుంటున్నారు.మరోవైపు మీరు ఏ హీరోతో డేట్ చేయాలనుకుంటున్నారు అనే ప్రశ్నకు తెలుగులో తనకు ఎన్టీఆర్‌తో పాటు మరో  ఇష్టమైన హీరో ఉన్నాడు. ఎన్టీఆర్‌కు పెళ్లైపోయింది కాబట్టి ఆయనతో డేటింగ్ కాస్త కష్టమే. కానీ ఆ హీరో  పిలిస్తే మాత్రం ఎలాంటి మొహమాటం లేకుండా అతనితో డేట్‌కు వెళతాను అంటూ గడుసు సమాధానం చెప్పింది. కానీ ఆ హీరో పేరును మాత్రం వెల్లడించలేదు. పెళ్లి కానీ హీరో అంటే తెలుగులో ఇప్పటికే ఆ లిస్టులో చాలా మందే ఉన్నారు. మరి రష్మీ వలిచిన ఆ హీరో ఎవరో అని అభిమానులు ఆలోచనలో పడిపోయారు.