నటుడు రిషి కపూర్ కన్నుమూత
cinema | Suryaa Desk | Published : Thu, Apr 30, 2020, 11:08 AM
ప్రముఖ బాలీవుడ్ నటుడు రిషికపూర్ అనారోగ్యంతో గురువారం ఉదయం కన్నుమూశారు. ఆయనకు 67 సంవత్సరాలు. గత కొంత కాలంగా ఆయన క్యాన్సర్ వ్యాధితో బాధపడుతున్నారు. దాంతో పాటు ఆయనకు శ్వాసకోశ సమస్యలు కూడా ఉన్నాయి. బుధవారం ఆయనకు అనారోగ్య సమస్య ఎక్కువ కావడంతో ముంబైలోని సర్ హెచ్ఎన్ రిలయన్స్ ఫౌండేషన్ ఆసుపత్రిలో చేర్చారు. రిషి కపూర్ ఆరోగ్యం విషమించి గురువారం ఉదయం కన్నుమూశారు. రిషి కపూర్ కుమారుడు రణ్ బీర్ కపూర్. రిషి కపూర్ ఇటీవల ముల్క్ అనే సినిమాలో నటించి మరోసారి అదరగొట్టాడు. ఆయన తాజాగా ది బాడీ అనే సినిమాలో నటించాడు. అంతేకాకుండా ఓ వెబ్ సిరీస్ లో కనిపించారు. రిషి కపూర్ కు 2018లోనే క్యాన్సర్ ఉన్నట్టు నిర్దారణ అయ్యింది. దీంతో ఆయన అమెరికాలోని న్యూయార్క్ నగరంలోని ఓ ఆస్పత్రిలో సంవత్సరం పాటు చికిత్స తీసుకున్నారు. అప్పటి నుంచే ఆయన అనారోగ్య సమస్యలతో బాధపడుతున్నారు. రిషి కపూర్ మృతితో బాలీవుడ్ తో పాటు సిని వర్గాల్లో విషాదం నెలకొంది. ఎల్లప్పుడూ సోషల్ మీడియాలో చురుగ్గా ఉండే రిషి ఈ నెల రెండో తేదీ నుంచి సైలెంట్ అయిపోయారు. `ది ఇంటెర్న్` హాలీవుడ్ రీమేక్లో దీపికతో కలిసి నటించబోతున్నట్టు ఇటీవల రిషి వెల్లడించిన సంగతి తెలిసిందే.
|
|