బిగ్ బాస్ రహస్యాలు చెప్పిన సూర్యకిరణ్..
cinema | Suryaa Desk | Published : Tue, Sep 15, 2020, 05:20 PM
బిగ్బాస్ హౌస్ నుంచి ఎలిమినేట్ అయిన సూర్యకిరణ్.. షో గురించి అనేక ఆసక్తికర విషయాలు వెల్లడించాడు. బిగ్బాస్ హౌస్లో మూడు నాలుగు వారాలు ఉంటాననుకున్నప్పటికీ మధ్యలోనే వచ్చేసినట్టు తెలిపాడు. కానీ ఉన్న ఆ వారం రోజులు ఓ కొత్త అనుభూతిని అనుభవించినట్టు తెలిపాడు. బిగ్బాస్ హౌస్లో తనకు ప్రతి రోజూ చాలా భారంగా గడిచేదన్నాడు. ఆ హౌస్లో కంటెస్టెంట్ల చర్యలు చాలా కృత్రిమంగా ఉంటాయన్నాడు. వాళ్ల నవ్వు కూడా సహజంగా వచ్చేది కాదన్నాడు. ఎప్పుడూ బిర్యానీని చూడనట్లు వింతగా ప్రవర్తించేవారన్నాడు. వర్షం పడుతుంటే అబ్బబ్బా.. వర్షం అంటుంటారని...ఇవన్నీ తనకు ఆర్టిఫిషియల్గా అనిపించేవని సూర్యకిరణ్ తెలిపాడు.హౌస్లో ఉన్నవాళ్లంతా తనకన్నా చాలా తెలివిగలవాళ్లన్నాడు. తనకు అన్ని తెలివితేటలు లేవన్నాడు. అన్నిటికి మించి షోలో ఎక్కువగా కనిపించడానికి ఏం చేయాలో వాళ్లకు బాగా తెలుసన్నాడు. ఓవర్ ఎక్స్ప్రెషన్స్ ఉంటేనే ఫుటేజ్ ప్రసారం చేస్తారని తెలియడం వల్లే, వాళ్లంతా అలా చేస్తారేమో అని తనకు అనిపించిందన్నాడు. మొత్తానికి బిగ్బాస్ షో రహస్యాన్ని వారం రోజులకే సూర్యకిరణ్ పసిగట్టి .... ప్రతి అంశంపై విపులంగా వివరించాడు.
|
|