విషమంగానే ఎస్పీబీ ఆరోగ్యం..
cinema | Suryaa Desk | Published : Fri, Sep 25, 2020, 11:44 AM
గాన గంధర్వ ఎస్పీ బాలసుబ్రమణ్యం ఆరోగ్య పరిస్థితి విషమంగానే ఉంది. ఆయన ఆరోగ్యపరిస్థితి అత్యంత ఆందోళనకరంగా ఉందంటున్న డాక్టర్లు.. నిమిష నిమిషానికి ఎస్పీబీ ఆరోగ్య పరిస్థితి క్షీణిస్తున్నదని చెబుతున్నారు. మరికాసేపట్లో బాలసుబ్రమణ్యం ఆరోగ్య పరిస్థితి పై చెన్నై ఎంజీఎం ఆసుపత్రి వైద్యులు బులెటిన్ విడుదల చేయనున్నారు. బాలుకి ఇప్పటికీ ఎక్మో వెంటిలేటర్ పైనే చికిత్స కొనసాగిస్తున్నారు. బాలు పక్కనే ఆయన కుమారుడు చరణ్, భార్య సావిత్రి ఆస్పత్రిలో ఉన్నారు. మరోవైపు ఆయన కోలుకొని తిరిగి రావాలంటూ ప్రముఖులు, అభిమానులు ప్రార్థనలు చేస్తున్నారు. అయితే కరోనా సోకి గత నెల 5న ఎస్పీ బాలసుబ్రహ్మణ్యం ఆసుపత్రిలో చేరారు. అప్పటి నుంచి ఆయన అక్కడే చికిత్స పొందుతున్నారు. ఇక ఇటీవల జరిపిన పరీక్షల్లో ఆయనకు నెగిటివ్గా తేలినప్పటికీ.. ఆనారోగ్య సమస్యలు ఉండటంతో వైద్యులు చికిత్సను కొనసాగించారు. ఇక ఎస్పీబీ ఆరోగ్యంపై ఆయన కుమారుడు ఎస్పీ చరణ్ ప్రతి రోజు అప్డేట్స్ ఇస్తూ వస్తున్నారు.
|
|