ఆ నటి 20 సార్లు చనిపోవాలనుకుందట!
cinema | Suryaa Desk | Published : Thu, Jan 28, 2021, 04:53 PM
ఇటీవల ఆత్మహత్య చేసుకున్న కన్నడ నటి, బిగ్బాస్ కంటెస్టెంట్ జయశ్రీ రామయ్య గత కొన్ని రోజులుగా డిప్రెషన్ తో బాధపడుతూ ఇలా ఆత్మహత్యకు పాల్పడినట్లు పోలీసులు తెలిపారు. చనిపోయిన రోజు జయశ్రీ సాయంత్రం టీ మాత్రమే తాగిందని, డైట్లో ఉన్నానని రాత్రి భోజనం చేయడానికి నిరాకరించిందని సిబ్బంది పోలీసులకు చెప్పారు.
జయశ్రీ గతంలో కూడా చాలా సార్లు చనిపోవాలనుకుందట. దాదాపు ఓ 20 సార్లు ఆత్మహత్యాయత్నం చేసినట్లు పోలీసులు తెలిపారు. ఈ కారణంగానే జయశ్రీకి సరైన చికిత్స అందించడం కోసం కుటుంబ సభ్యులు ఆమెను పునరావాస కేంద్రానికి పంపించారని పోలీసులు తెలిపారు. జయశ్రీ గతంలో కొన్ని శాండల్ వుడ్ చిత్రాలలో నటించింది. కన్నడ బిగ్ బాస్ సీజన్ 3 లో కూడా పాల్గొంది. ఆమె ఉప్పు హులి ఖార (2017) అనే ఓ కన్నడ సినిమాలో కూడా నటించింది. ఇక జయశ్రీ ఆత్మహత్య కేసును నమోదు చేసుకున్న మదనాయకనహళ్లి పోలీసులు కేసును దర్యాప్తు చేస్తున్నారు.
|
|