రాశి ఈజ్ బ్యాక్ ఇన్ బ్లూ

తొలిప్రేమ సినిమా ఆఫర్ కనక రాకపోయి ఉంటే హీరొయిన్ రాశి ఖాన్న ప్రయాణం మరోలా ఉండేదేమో అనిపిస్తుంది. ఆ సినిమా విడుదలకు సరిగ్గా వారం రోజుల క్రితం టచ్ చేసి చూడు అనే డిజాస్టర్ అందుకుని అందులో తన పాత్ర గురించి విమర్శలు సైతం అందుకున్న రాశి ఖన్నా జస్ట్ వన్ వీక్ గ్యాప్ లో అదే నోళ్ళతో పోగిడించుకుంటుంది అని అభిమానులు సైతం ఊహించి ఉండరు. అంతగా వరుణ్ పక్కన తొలిప్రేమ సినిమాలో మెప్పించిన రాశి ఖన్నా పరిశ్రమకు వచ్చిన నాలుగేళ్ళకు రైట్ ట్రాక్ లో పడుతోంది. నితిన్ శ్రీనివాస కళ్యాణంలో పెర్ఫార్మన్స్ కు అవకాశం ఉన్న హోమ్లీ క్యారెక్టర్ చేస్తున్న రాశి ఖన్నా ప్రస్తుతం మరో మూడు తమిళ సినిమాలు కూడా తన జేబులో వేసుకుంది. సైతాన్ కా బచ్చా అనే సినిమాలో సిద్దార్థ్ సరసన నటించిన రాశి దాని షూటింగ్ పూర్తి చేసేసి విడుదల కోసం ఎదురు చూస్తోంది.

ఇమైక్క నోడిగల్ అనే థ్రిల్లర్ మూవీలో నయనతారతో కలిసి స్క్రీన్ షేర్ చేసుకున్న రాశి ఖన్నా అందులో బాలీవుడ్ కల్ట్ క్లాసిక్ డైరెక్టర్ అనురాగ్ కశ్యప్ తో కలిసి నటించడం ఎగ్జైటింగ్ గా ఫీలవుతోంది. అధర్వా హీరోగా నటిస్తున్నాడు. ఆడంగ మారు అనే మరో మూవీ జయం రవి హీరోగా రూపొందనుండగా అందులో కూడా రాశి ఖన్నానే హీరొయిన్. ఇలా కోలీవుడ్ లో కూడా బంపర్ ఆఫర్లు కొట్టేస్తున్న రాశి అసలు టైం ఈ ఏడాది స్టార్ట్ అయినట్టు ఉంది. సుప్రీమ్ తర్వాత చెప్పుకోదగ్గ హిట్ ఒక్కటి లేని రాశి ఖన్నాకు దశ తిరిగింది మాత్రం తొలిప్రేమ నుంచే. కాస్త బొద్దుగా అనిపించే తన ఫిజిక్ ని పూర్తిగా మార్చుకుని సన్నబడిన రాశి ఇప్పుడు పర్ఫెక్ట్ అని చెప్పొచ్చు.

పైన స్టిల్ చూసారుగా. ఫుల్ బ్లూలో మూన్ లాగా వెలిగిపోతున్న రాశి ఫేస్ లో విజయం తాలుకు ఆనందం స్పష్టంగా కనిపిస్తోంది. తొలిప్రేమ తర్వాత తనకు లేడీ ఫాన్స్ కూడా విపరీతంగా పెరిగారని చెబుతున్న రాశి ఇకపై కథల విషయంలో పొరపాట్లు చేయనని చెబుతోంది.