ముంబై వస్తే ఇంటికి పిలుస్తా..
cinema | Suryaa Desk | Published : Sat, Mar 10, 2018, 11:01 AM
తీరిక లేని పనితో ప్రేమించే సమయం దొరకలేదని అంటోంది కాజల్ అగర్వాల్. ఎంతోమంది ప్రేమిస్తున్నానని చెప్పినా…ఇద్దరి విషయంలో ప్రేమను అనుభూతి చెందానని చెబుతోంది. పరిశ్రమకు రాక ముందు ఒకరితో, వచ్చిన తర్వాత మరొకరితో అనుబంధం పెంచుకున్నట్లు కాజల్ తెలిపింది. నటి కాక ముందు ప్రేమ సంగతి వదిలేస్తే….నాయికగా పేరొచ్చాక ప్రేమించే తీరిక దొరకలేదంటోంది. ఇలా రెండు సందర్భాల్లో ప్రేమ తనకు దూరమైందని ఇటీవల ఓ సందర్భంగా ఈ సుందరి చెప్పుకొచ్చింది. ప్రేమకు సమయం వెచ్చించాలి, వ్యక్తిగతంగా కలవాలి.
కనీసం ఇలాంటి అవకాశం లేకుంటే ప్రేమించి ఉపయోగం లేదు. అన్నది కాజల్ మాట. ఇదంతా కాజల్ మాటల్లో వింటే….ఇన్నేళ్ల నా నట ప్రయాణంలో తోటి నటులతో ఎంత వరకు ఉండాలో అంత వరకే ఉన్నాను. అసలు కొందరితో స్నేహం కూడా చేయలేదు. మిత్రులైన నటులు ముంబై వస్తే ఇంటికి పిలిచి విందు ఇచ్చేదాన్ని. అదంతా అక్కడికే పరిమితం. అని చెప్పింది. ఇక చిత్రరంగంలో తన ప్రయాణం గురించి చెబుతూ…మారుతున్న పరిస్థితులకు అనుగుణంగా నన్ను నేను మెరుగుపర్చుకునేందుకు ఎప్పుడూ ప్రయత్నిస్తుంటాను. పాత్రకు తగిన భావోద్వేగాలు పలికించేందుకు ప్రయత్నిస్తాను. రకరకాల సినిమాలు చూస్తాను. మనుషులను కలుస్తాను. నటనలో, అందంలో కొత్తగా కనిపించాలని శ్రమిస్తుంటాను. అని చెప్పింది. ప్రస్తుతం కాజల్ తమిళంలో పారిస్ పారిస్, తెలుగులో కళ్యాణ్ రామ్ సరసన ఎమ్మెల్యే చిత్రంలో నటిస్తోంది.
|
|