జేడీ చక్రవర్తి ‘ఉగ్రం’లుక్
cinema | Suryaa Desk | Published : Fri, Mar 16, 2018, 12:11 PM
చాలా కాలం తరవాత జేడీ చక్రవర్తి హీరోగా నటించిన తెలుగు చిత్రం వస్తోంది. ఈ మధ్య కాలంలో ఆయన చాలా తెలుగు సినిమాలు చేసినప్పటికీ అన్నీ ప్రత్యేక పాత్రలే. అయితే ఇప్పుడు పూర్తిస్థాయి హీరో పాత్రలో వస్తున్నారు. ఆ చిత్రమే ‘ఉగ్రం’. అమ్మ రాజశేఖర్ దర్శకుడు. ఖాసిం సమర్పణలో నక్షత్ర మీడియా పతాకంపై ‘నక్షత్ర’ రాజశేఖర్ ఈ సినిమాను నిర్మిస్తున్నారు. షూటింగ్ పూర్తిచేసుకున్న ఈ చిత్రం ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఉగాది పర్వదినాన ‘ఉగ్రం’ ఫస్ట్లుక్ పోస్టర్ను విడుదల చేస్తున్నారు. వేసవి కానుకగా ఈ చిత్రాన్ని విడుదల చేయటానికి సన్నాహాలు జరుగుతున్నాయని నిర్మాత రాజశేఖర్ తెలిపారు.
జేడీ చక్రవర్తి కెరీర్లో ‘ఉగ్రం’ ప్రత్యేకమైన చిత్రంగా నిలుస్తుందని నిర్మాత ధీమా వ్యక్తం చేశారు. యువతను విపరీతంగా ఆకట్టుకునేలా ‘ఉగ్రం’ ఉంటుందని చెప్పారు. యాక్షన్, నేపథ్య సంగీతానికి మంచి స్కోప్ ఉన్న చిత్రమిదని తెలిపారు. ఈ చిత్రాన్ని మంచి కమర్షియల్ ఎంటర్టైనర్గా దర్శకుడు అమ్మ రాజశేఖర్ తెరకెక్కించారని, అన్ని వర్గాల ప్రేక్షకుల్ని మెప్పించే చిత్రంగా నిలుస్తుందని ఆశాభావం వ్యక్తం చేశారు. ఈ చిత్రంలో జేడీ చక్రవర్తితోపాటు అక్షిత, మనోజ్ నందం, అక్షత, బెనర్జీ, ఆర్.పి., ఛమ్మక్ చంద్ర, శ్రీరామ్ చంద్ర, టార్జాన్, సంపూర్ణేష్ బాబు, షానీ, రాజు భాయ్ తదితరులు నటించారు. జాన్ భూషన్ సంగీతం సమకూర్చగా.. చిన్నా బ్యాక్గ్రౌండ్ స్కోర్ అందించారు.
|
|