బిగ్ బాస్ 5 తెలుగులో జబర్దస్త్ ట్రాన్స్జెండర్
cinema | Suryaa Desk | Published : Tue, Aug 31, 2021, 12:12 PM
సాయితేజ కాస్తా ప్రియాంకగా పేరు మార్చుకున్న తర్వాత కూడా కెరీర్ స్లోగానే ఉంది. ప్రస్తుతం అదిరింది షోలో నటిస్తుంది ఈమె. అయితే ఇలా అబ్బాయి నుంచి అమ్మాయిగా మారడానికి మాత్రం చాలానే ఖర్చు అయిందని ప్రియాంక తెలిపింది. సర్జరీ ఎక్కడ చేయించుకున్నావ్, ఎంత ఖర్చు అయింది, ఎవరెవరు వచ్చారు, అలాంటి ప్రశ్నలు మాత్రం అడగొద్దని నేరుగానే యాంకర్కు షాక్ ఇచ్చింది పింకీ. ఆ వివరాలన్నీ తన పర్సనల్ అని, కానీ భారీగానే ఖర్చు అయిందని మాత్రం చెప్పింది. ఆ ఖర్చు లక్షల్లోనే ఉంటుందని కూడా చెప్పింది. ఎవరూ తనకు ఒక్క రూపాయి కూడా ఇవ్వలేదని, అంతా తను సంపాదించిందే అని చెబుతుంది ఈమె. ఇదిలా ఉంటే ఇప్పుడు ప్రియాంక సింగ్కు అదిరిపోయే అవకాశం వచ్చినట్లు తెలుస్తుంది. బిగ్ బాస్ 5 తెలుగులో ట్రాన్స్జెండర్ కోటాలో ఈమె ఎంట్రీ ఇస్తుందని ప్రచారం జరుగుతుంది. జబర్దస్త్ క్రేజ్ కూడా ఉండటంతో ప్రియాంకకు అవకాశం ఇచ్చినట్లు తెలుస్తుంది. ఇప్పటికే బిగ్ బాస్ షోలో జబర్దస్త్ షో నుంచి ధన్రాజ్, ముక్కు అవినాష్ లాంటి వాళ్లు పాల్గొన్నారు. ఈ సారి మాజీ జబర్దస్త్ నటుడు అయిన సాయి తేజకు అవకాశం వచ్చేలా కనిపిస్తుంది. ప్రస్తుతం ప్రియాంక సింగ్ క్వారంటైన్లో ఉంది.
|
|