మారిన ‘టక్ జగదీష్’ స్ట్రీమింగ్ డేట్.. ఎప్పుడంటే.?
cinema | Suryaa Desk | Published : Sun, Sep 05, 2021, 03:41 PM
తెలుగు సినీ ఇండస్ట్రీలోకి ఎంతో మంది హీరోలుగా ఎంట్రీ ఇస్తున్నారు. కానీ, వారిలో కొందరు మాత్రమే బ్యాగ్రౌండ్ లేకుండానే వచ్చి స్టార్లుగా ఎదుగుతున్నారు. అలాంటి వారిలో నేచురల్ స్టార్ నాని ఒకడు. సహజ సిద్ధమైన నటనతో ప్రతి సినిమానూ వన్ మ్యాన్ షోగా మార్చుకునే ఈ హీరో.. చాలా తక్కువ సమయంలోనే స్టార్డమ్ను అందుకున్నాడు. అయితే, 'జెర్సీ' తర్వాత ఆ రేంజ్ హిట్ కోసం చాలా కాలంగా వేచి చూస్తున్నాడు. ఇలాంటి పరిస్థితుల్లో ప్రస్తుతం నాని 'టక్ జగదీష్' అనే చిత్రంతో ప్రేక్షకుల ముందుకు రాబోతున్నాడు. ఈ మూవీ స్ట్రీమింగ్ డేట్ మళ్లీ మారినట్లు తెలుస్తోంది. ఎప్పటి నుంచో ప్రచారం జరుగుతోన్న దాని ప్రకారం.. ‘టక్ జగదీష్' చిత్రాన్ని సెప్టెంబర్ 10 నుంచి అమెజాన్లో స్ట్రీమింగ్ చేస్తున్నట్లు చిత్ర యూనిట్ ఇటీవలే వెల్లడించింది. అంతేకాదు, ఇందులో ‘భూదేవిపురం చిన్న కొడుకు, నాయుడి గారి అబ్బాయి టక్ జగదీష్ చెబుతున్నాడు.. మొదలెట్టండి' అనే డైలాగ్ను కూడా చూపించారు. దీంతో ఈ సినిమాపై అంచనాలు రెట్టింపు అయ్యాయి.
‘టక్ జగదీష్' మూవీ స్ట్రీమింగ్ వినాయక చవితి కానుకగా సెప్టెంబర్ 10 కానుందని చిత్ర యూనిట్ ప్రకటించింది. అయితే, తాజా సమాచారం ప్రకారం.. దీన్ని ఒకరోజు ముందుగానే అంటే సెప్టెంబర్ 9న విడుదల చేయబోతున్నారట. ఆరోజు రాత్రి 10 గంటల నుంచే నాని సినిమా అమెజాన్లో స్ట్రీమింగ్ కానుందని తెలిసింది. దీనికి సంబంధించిన ప్రకటన ఈ రెండు రోజుల్లో రానుందని సమాచారం.
|
|