ప్రముఖ నటుడు కన్నుమూత
cinema | Suryaa Desk | Published : Tue, Sep 07, 2021, 12:44 PM
హాలీవుడ్ సీనియర్ నటుడు మికాయిల్ కెన్నెత్ విలియమ్స్(54) కన్నుమూశారు. ఎన్నో అద్భుతమైన చిత్రాలతో ప్రేక్షకులని అలరించిన ఆయన మృతిని పోలీసులు ధృవీకరించారు. ఆయన దగ్గరి బంధువు ఒకరు సోమవారం మికాయిల్ ఉంటున్న న్యూయార్క్ సిటీలోని అపార్ట్మెంట్కు వెళ్లారు. డ్రగ్స్ ప్యాకెట్స్ మధ్య మికాయిల్ ను చూసి పోలీసులకి సమాచారం అందించారు. ఓవర్ డోస్ తీసుకోవడం కారణంగానే మికాయిల్ చనిపోయినట్టు పరీక్షలో తేలింది. కొన్నాళ్ల క్రితం మికాయిల్ భార్య చనిపోయింది. దీంతో ఒంటరిగా ఉంటున్నాడు. ఆ క్రమంలో డ్రగ్స్కి అలవాటయ్యాడు. మికాయిల్ కెన్నెత్ విలియమ్స్ 1996లో ‘బుల్లెట్’ సినిమా ద్వారా సినిమాల్లోకి అడుగుపెట్టి ఓవైపు సినిమాలు, మరోవైపు టీవీ షోల్లో రాణించాడు. హెచ్బీవో బ్లాక్బస్టర్ డ్రామా ‘ది వైర్’లో ఒమర్ లిటిల్ క్యారెక్టర్ ద్వారా ప్రపంచవ్యాప్తంగా గుర్తింపు పొందాడు. ‘చాకీ, బ్రాడ్వాక్ ఎంపైర్, బెస్సీ, 12 ఇయర్స్ ఏ స్లేవ్’ లాంటి సినిమాలతో ఆయన ప్రేక్షకులని అలరించాడు. 5 సార్లు ప్రైమ్టైం ఎమ్మీ అవార్డుకు నామినేట్ అయ్యాడు. ఆయన మృతికి హాలీవుడ్ పరిశ్రమ సంతాపం తెలియజేసింది.
|
|