అల్లుడు శ్రీనుతో కాజల్…
cinema | Suryaa Desk | Published : Wed, Mar 28, 2018, 11:45 AM
ఒకప్పుడు సీనియర్ హీరోలతో నటించిన కాజల్ ఇప్పుడు యువ హీరోలతో జత కడుతోంది. సహజంగా తొలినాళ్ళలో వర్ధమాన హీరోలతో నటించి ఆ తర్వాత స్టార్స్తో నటించే స్థాయికి చేరుకుంటారు. కానీ కాజల్ కెరీర్ దీనికి భిన్నంగా సాగుతోంది. చిరంజీవితో ఖైదీ నెంబర్ 150లో నటించిన తర్వాత ఆమె యువ హీరోల చిత్రాల్లో ఎక్కువగా నటిస్తోంది. నేనే రాజు – నేనే మంత్రి చిత్రంలో రానాతో జోడీగా నటించింది. ఈ చిత్రం కమర్షియల్గా విజయం సాధించి ఆమెకు మంచి పేరు తెచ్చిపెట్టింది. ఆ తర్వాత కల్యాణ్రామ్తో ఎమ్మెల్యే చిత్రంలో నటించింది. ఇటీవలే విడుదలైన ఈ సినిమాకు మంచి టాక్ తెచ్చుకుంది. తాజాగా బెల్లంకొడ శ్రీనివాస్ హీరోగా నటిస్తున్న సినిమాలో నాయికగా కాజల్ ఎంపికైంది. ఈ చిత్రం ద్వారా శ్రీనివాస్ దర్శకుడిగా పరిచయం అవుతున్నారు. వంశధార క్రియేషన్స్ సంస్థ నిర్మిస్తోంది. ఇటీవలే షూటింగ్ ప్రారంభించి హైదరాబాద్లో చిత్రీకరణ జరుపుతున్నారు. ఈ చిత్రంలో నటించే హీరోయిన్ కాజల్ అని అధికారికంగా ప్రకటించారు. రెండవ షెడ్యూల్ నుండి కాజల్ షూటింగ్లో పాల్గొంటారు.
ఇంకా పేరు నిర్ణయించని ఈ చిత్రానికి అబ్బూరి రవి, చోటా కె.నాయుడు, తమన్, చోటా కె.ప్రసాద్, స్టన్ శివ సాంకేతిక సహకారం అందిస్తున్నారు. నిర్మాత నవీన్ శొంటినేని, కథ, స్క్రీన్ప్లే, దర్శకత్వం శ్రీనివాస్.
|
|