బిగ్ బాస్: ఈ వారం కెప్టెన్ అయ్యేది ఎవరో?

బిగ్ బాస్ షో తెలుగు సీజన్ -5 నాలుగో వారంలోకి అడుగుపెట్టింది. మంగ‌ళ‌వారం బిగ్ బాస్ ఇంటి స‌భ్యుల‌కు కెప్టెన్సీ కంటెండ‌ర్ టాస్క్ ఇచ్చాడు. టాస్క్ లో భాగంగా హౌజ్ మేట్స్ ఇద్దరిద్దరు జంట‌లుగా విడిపోవాలి. దీంతో జశ్వంత్‌-కాజల్‌, సిరి-షణ్ముఖ్‌, లోబో- నటరాజ్‌ మాస్టర్‌, రామ్‌-హమిదా, యానీ-శ్వేత, ప్రియా- ప్రియాంక, రవి-విశ్వ, సన్నీ-మానస్‌ జంటలుగా ఏర్పడ్డారు. కెప్టెన్సీ పోటీ దారుల కోసం గెల‌వాలంటే త‌గ్గాల్సిందే అనే టాస్క్ ఇచ్చారు. ఏ జంట అయితే అధిక బ‌రువు త‌గ్గుతారో వారికే కెప్టెన్సీ కంటెండ‌ర్‌ గా అవకాశం లభిస్తుంది. అన్ని జంటలు టాస్క్ కోసం సిద్ధ‌మ‌వుతూ బ‌రువు త‌గ్గేందుకు ట్రై చేశారు. గెలవాలంటే తగ్గాల్సిందే టాస్క్‌లో భాగంగా తొలి చాలెంజ్‌ గా ‘పట్టుకోండి చూద్దాం’ అనే గేమ్‌ పెట్టాడు బిగ్‌బాస్‌. ఈ గేమ్ లో భాగంగా పవర్‌ రూమ్‌ యాక్సెస్‌ పొందిన జంట తమతో పోటీ పడాల్సిన జంటను ఎంచుకోవచ్చు. నటరాజ్‌ మాస్టర్‌-లోబో జంట పవర్‌ రూమ్‌ యాక్సెస్‌ పొంది శ్రీరామ్‌-హమిదాలను తమ పోటీదారులుగా ఎంచుకున్నారు. ఈ గేమ్‌లో శ్రీరామ్‌-హమిదా జంట గెలుపొందింది. అనంత‌రం ప్రియ‌తో యాంకర్ రవి తమ పాత గొడవ గురించి డిస్క‌ష‌న్ చేశాడు. అయితే వ‌దిలేయ్ అని చెప్పింది ప్రియ‌ చెప్పింది. నటరాజ్ మాస్టర్ వింతగా ప్రవర్తించాడు. తనలో తాను మాట్లాడుకుంటూ, పెద్ద పెద్దగా నవ్వుకుంటూ ఫిజికల్ టాస్క్ పెడితే నా వేట ఏంటో చూపిస్తా అని తనలో తాను మాట్లాడుకున్నారు. అత‌ని ప్ర‌వ‌ర్త‌న చూసి హౌజ్ మేట్స్ అందరూ న‌వ్వేశారు. ఇక లోబో ఆకలికి ఆగలేక ప్రిజ్డ్‌లో పెట్టిన ఫుడ్‌ ని సీక్రెట్‌ గా తినేశాడు. దీంతో బిగ్ బాస్ హౌస్‌ కెప్టెన్ జెస్సీకి శిక్ష వేశాడు. జెస్సీతో పాటు ఆయ‌నతో జ‌త క‌ట్టిన కాజ‌ల్‌పై అన‌ర్హ‌త వేటు వేశారు.